飲茶 (朗豪坊) (Closed)

無意中搜尋之下見到朗豪坊有間叫 -飲茶- , 點心款式多元化幾特別，就擇左呢間同d同學仔聚一聚, 原來位置正正就係喺food court 隔離，不過只靠短短的欄杆分隔，所以會比較嘈～一坐低, 員工好似一般傳統茶樓咁問你飲咩茶呀? 不過呢度唔係飲普洱,水仙,鐵觀音個D, 而係紅棗紅袍 & 玄米綠茶 & 杭州白菊 總共3款茶, 我地擇杭州白菊,  飲落淡淡的菊花味, 好清香～開始叫野食•呷醋木耳•第一碟當然係我最鍾意食既木耳, 入口爽脆又帶有小小芥辣味, 簡單又美味!•椒鹽鬍鬚•魷魚鬚粉漿不太厚, 魷魚鬚咬落彈牙, 加上椒鹽炒香更加惹味, 但略鹹左少少，最後大家都怕熱氣, 索性將所有外皮拆曬出黎淨食魷魚鬚，哈哈•干媽蘿蔔•蘿蔔糕煎得微焦，口感一點都不粉，好扎實，睇個樣以為好辣，但實質食落去又不算太辣，反而覺得好惹味好香口！•睇住流奶•無論店外店內都會見到呢個造型可愛的包子，其實佢係流沙包，咬開後熱辣辣的流沙餡慢慢流出來，蛋黃味相當濃郁，口感順滑，滋味十足！•一籠八戒•一開始大家估係蓮蓉包，原來係叉燒包，真係估佢唔到，哈哈！不過除了造型可愛之外，跟平時的叉燒包沒太大分別，用來打卡最適合不過•