Homeland (東昌街) (Closed)

朋友話出嚟聚聚順便食生日飯， 就搵啲平日唔多去的地方。 咁啱見到大埔呢間， 超過380個笑的食評， 應該唔會伏卦， 就試試佢。半個月前用open rice app訂位， 首先冇打嚟reconfirm 時間， 唔緊要， 反正自己有mark 低。 跟住寫咗Birthday Dinner，冇提冇問， 唔緊要， 反正男人老狗。今日嚟到， 眼見餐廳幾細間， 只有5~6張四人枱+bar枱， 不過後來隱約聽到好似有二樓。因為只收現金， 朋友就出咗去㩒錢而我哋就睇下食咩， 唔夠10分鐘之內已經問咗我哋兩次食咩， 駛唔駛落單先。 Ok， 咁揀好就叫啦，原本點咗四個前菜， 因為唔知份量，就話主菜之後再叫， 點知居然聽到 “因為我哋用餐時間只有70分鐘， 所以可以order定先再上”。 我真係打個突， 70分鐘？ 連個半鐘都冇， 而家係返工午飯時間定做節高峰期？ 定係旺角大排長龍米豬連？ 計埋我哋諗的時間咪得番一個鐘， 嗰刻真心想起身。 另一個女侍應就話， “其實都會睇番食物出的時間同客人等位情況的。” 咁都正常啲。。。 不過好戲在後頭。我哋前菜點咗 “蟹餅”、“虎蝦沙律”、“香腸拼盤” 同 “法式田螺”。