越興園越南菜館 (Closed)

遲遲都未能寫出呢個食評, 點解? 因而呢度食得唔過癮, 所以冇晒心機去寫, 今日終於的起心肝, 等我盡我能力去諗下我食過d咩先!都幾個禮拜前黎呢度食晚飯, 坐底睇左一陣決定要個二人套餐, 套餐有春卷, 黑椒牛仔粒, 炒金邊粉同埋越式牛肉蝦片!春卷有四件, 好脆不過炸得太, 非較乾身, 師傅食左一件就冇再食, 麻麻地; 黑椒牛仔粒好香黑椒味, 而牛仔粒都好鬆身, 本來都幾好味, 不過太咸喇, 食到好口乾; 炒金邊粉算係全最好味野食, 炒得好香同埋d料都好足下, 正呀; 越式牛肉蝦片之前同女友試過後佢好鍾意, 所以再安歌多次, 點知佢d蝦片唔脆仲要好腍, 粉絲係有好多, 不過d牛肉太老, 完全唔好味, 放左入口都唔再吸引到我食, 所以食淨晒但係都冇計!總括黎講呢間唔算出色, 同區師傅我就一定唔會再黎呢間喇, 而且招呼唔算十分好, 個伙計好似唔想做, 淨係茶都唔會沖多次啦, 絕對有趕客感覺! 埋單連加一都差唔多要兩舊水, 師傅我就覺得一d都唔抵食喇, 如果要幫襯我會去番花園街間喇, 至少個感覺好好多!