Video
Read full review
2012-11-16
433 views
因為Pasta Mio就近公司附近，所以買定張團購券睇門口，遇有家中無飯開過嚟用咗佢，又或外賣帶返屋企食都得！又喺拖拖吓去到近換領限期尾先用，好彩趕得徹，無蝕。依次團購內容喺：$25 Pasta Mio自選 Fit Size經典醬汁意大利粉一客連飲品（價值 $50），店家嘅醬汁原有共10款選擇，不過團購都提供4款：Pomodoro、Arrabbiata、Chicken、Melanzana，單睇個名就真喺佢識我，我唔識佢，不過，店旁一張巨型海報除價錢、意粉種類之外，醬汁自然都有所介紹，大可按圖索驥。意粉方面，全店應共有8款，而團購亦有5款供選擇：Farfalle、Fusilli、Penne、Gnocchi、Strozzaperti，唔知喺點樣，唔喺問題喎，一來張海報有圖畫，二來櫥窗之上又有實物，以小杯盛載，絕對唔會懞查查唔知自己點咗乜。Gnocchi + Melanzana份量分為正常REG（300克）或健怡FIT（200克），團購嘅當然喺後者啦。一切以紙盒盛載，唔好睇佢細細盒，一個可樂罐高度，其實都幾墜手，裡面填滿晒Gnocchi同個醬汁，面面仲灑咗一大把芝士粉同香草碎，賣相都頗吸引。
依次團購內容喺：$25 Pasta Mio自選 Fit Size經典醬汁意大利粉一客連飲品（價值 $50），店家嘅醬汁原有共10款選擇，不過團購都提供4款：Pomodoro、Arrabbiata、Chicken、Melanzana，單睇個名就真喺佢識我，我唔識佢，不過，店旁一張巨型海報除價錢、意粉種類之外，醬汁自然都有所介紹，大可按圖索驥。意粉方面，全店應共有8款，而團購亦有5款供選擇：Farfalle、Fusilli、Penne、Gnocchi、Strozzaperti，唔知喺點樣，唔喺問題喎，一來張海報有圖畫，二來櫥窗之上又有實物，以小杯盛載，絕對唔會懞查查唔知自己點咗乜。
Gnocchi + Melanzana份量分為正常REG（300克）或健怡FIT（200克），團購嘅當然喺後者啦。一切以紙盒盛載，唔好睇佢細細盒，一個可樂罐高度，其實都幾墜手，裡面填滿晒Gnocchi同個醬汁，面面仲灑咗一大把芝士粉同香草碎，賣相都頗吸引。Gnocchi喺用麵粉或馬鈴薯做嘅丸子，如果上網摷摷，就會出到好多唔同嘅中文譯名，多數都喺意譯，例如：意式馬鈴薯丸子、意式土豆球、意大利土豆麵疙瘩、意大利薯波……。口感喺點？成舊波波都喺實心，好似食緊未烚透嘅薯仔蛋咁，可能真喺煮得唔夠透，感覺實淨咗啲，食唔出其他食家食到嘅煙煙韌韌，唯一喺好飽肚啫；而醬汁Melanzana喺用蕃茄、燒茄子、布旺倫芝士煮成，事實上個汁底蕃茄味幾濃幾鮮活，汁內有粒粒嘅燒茄子，添加口感，如無記錯第一次食布旺倫芝士（provolone cheese）喺晌中環Tango，屬味濃嘅芝士一種，再加埋啲巴馬臣芝士粉就變得個汁過鹹，否則個醬汁應該濃香兼備，只好靠罐可樂解解鹹。所以，趕得徹用埋個團購，卻又未必一定喺好事囉！
我選擇晌店外嘅小枱度食，食完先慢慢走，喺食嘅十零廿分鐘時間裡面，都未見再有客幫襯過，幾個店員都只好閒談渡日。近排再經過，見到成間鋪圍咗板已經被人拆散晒，唔知佢確實幾時摺咗。都喺舊年年中先開檔，都喺捱得一年多，記得開檔初期唔少傳媒報導，賣點主打喺從意大利運來新鮮手製意大利粉每周空運抵港，配以正宗醬汁，做出高品質嘅意大利粉。意大利粉種類款式多且特別，坊間少見，醬汁自家調配，個性獨特，又大玩Mix & Match自由配。估唔到就咁玩完，一雞死，一雞鳴，唔知將開嘅新店又賣咩呢？又會頂得幾耐呢？
Post
