尚興潮州海鮮飯店 (Closed)

今日我們一家人到呢間尚興(白色門面)晚飯, 我已訂了5位7:30pm,首先我們2人已在7:25pm到達並坐下, 當時已發覺, 為何給一張8人枱給我呢? 伙計叫我們照坐, 因我們已訂枱, 所以我們便照坐下來. 我屋企人7:35pm仍未到, 但尚興的老闆娘及他的仔(著便裝的)就不停行過來,問我們要否先點菜, 因為另外3人未到, 所以我們未有點菜. 之後過了1分鐘後, 又問可唔可以搭枱, 我覺得明明我訂了5位, 又給我8人枱, 但依家又話要搭枱, 真係好奇怪, 不過最後佢地都冇搭枱. 之後再過了一陣, 那位老闆娘直頭行過黎我張枱邊說:"到依家仲未黎呀, 我門口有廿幾三十人等位" 佢講完之後, 就行開o左. 嘩! 我從未去過一間飯店會聽到呢d說話! 隔了一陣, 我屋企人已到, 佢地話門口都冇人等位. 呢個老闆娘真係好黑人憎!我在等屋企人黎期間, 那位老闆娘成日問伙計每枱食飯的進度, 當佢一知道食客已經到齊餸或食完甜品, 佢就會立即行埋去扮晒野問食客d餸到齊未,夠唔夠食, 擺明就係迫人食飽立即埋單!我細細個已經o係度食, d野係幾好食, 伙計都好好, 就係老闆對食客態度好唔ok!!!! 完全係趕