炯記手撕雞 (汝州街) (Closed)

晚上同朋友去食炯記～本身想食燒味，可能都有啲夜，所以燒鵝賣曬。入到去又比個二人餐吸引咗！個二人餐真係好豐富，連埋飲品有共八樣嘢😳食完真係捧住肚走...✪ 炯記二人套餐 ⌫ 💲198包咗5道餸、一碟菜、加兩碗麵，好豐富！有靚湯送，好滋潤🍲仲有跟餐特飲，飲杯咸檸七好爽！✢ 鹽焗手撕雞 / 麻辣手撕雞（半隻）我地揀咗鹽焗手撕雞，半隻好重磅😉成隻碟埋到滿曬🙈去曬皮雞肉好滑嫩，上面有加芝麻粒好香口。✢ 醬皇豬手 / 冬菇醬皇豬手（例牌）叫咗淨豬手有成6大件😗豬手外皮好有彈性，好有嚼口。上面仲有少少豬肉，鹵得好入味。✢ 鹽焗 / 麻辣雞腎 鹽焗雞腎唔會太硬好難咬，係較彈牙。切得細細粒，好快食曬成碟👍🏻✢ 酸辣雲耳調味唔會過量，味道少少酸辣。雲耳好爽口。✢ 太子鵝油撈麵 / 絲苗白飯好耐無食鵝油撈麵，味道好香好惹味，麵條香韌。【炯記手撕雞】📌深水埗汝州街257號地舖