Video
Read full review
2021-10-09
3262 views
每次黎荃灣行街，食飯時候朋友就會帶我嚟呢幢大廈，今日佢就帶我去食佢最鍾意嘅火鍋。呢間餐廳係食台式火鍋，地方夠晒大，全層都係佢。呢度環境光猛，開揚，乾淨整齊，坐得闊落又舒服。呢度除左牛、豬同海鮮掃QR code點之外，其餘都响出面攞。出面嘢食擺放整齊，唔會立立亂，種類又多，乾淨企理，呢度仲有罐裝或自斟啤酒添。先叫左鴛鴦煲湯底，我哋揀左胡椒豬肚湯鍋同西紅柿洋蔥海皇鍋。胡椒豬肚湯帶少少胡椒微辣，好多酸菜，味道幾好。另外西紅柿其實係蕃茄，呢個湯底甜甜地，味道超濃，配料放呢邊連豉油都唔駛點，夠晒味道。呢度有四款牛揀，美國prime頂級牛梅花， 美國choice無骨牛小排，美國CAB認證安格斯黑牛同美國精選牛五花。各款牛都切得薄薄，朋友就特別鐘意美國CAB認證安格斯黑牛，佢話食落有質感，淥到熟晒一d都唔韌，牛味重。其餘質素都好好，肥瘦均勻，一樣好食。是日海鮮有蝦有蜆，蝦同蜆size普通，但兩款都新鮮，入口帶鮮味，都幾好。食完牛同海鮮，咁就再食其他火鍋配料。朋友隨便攞左d丸，菇同菜之類。呢度d丸幾好食，種類又夠多。魚皮餃外皮夠煙韌，滑牛食落厚實，但軟熟。菜就攞左生菜，新鮮，洗得幾乾淨，入口爽口。呢度
呢間餐廳係食台式火鍋，地方夠晒大，全層都係佢。呢度環境光猛，開揚，乾淨整齊，坐得闊落又舒服。
呢度除左牛、豬同海鮮掃QR code點之外，其餘都响出面攞。出面嘢食擺放整齊，唔會立立亂，種類又多，乾淨企理，呢度仲有罐裝或自斟啤酒添。
先叫左鴛鴦煲湯底，我哋揀左胡椒豬肚湯鍋同西紅柿洋蔥海皇鍋。胡椒豬肚湯帶少少胡椒微辣，好多酸菜，味道幾好。另外西紅柿其實係蕃茄，呢個湯底甜甜地，味道超濃，配料放呢邊連豉油都唔駛點，夠晒味道。
呢度有四款牛揀，美國prime頂級牛梅花， 美國choice無骨牛小排，美國CAB認證安格斯黑牛同美國精選牛五花。各款牛都切得薄薄，朋友就特別鐘意美國CAB認證安格斯黑牛，佢話食落有質感，淥到熟晒一d都唔韌，牛味重。其餘質素都好好，肥瘦均勻，一樣好食。
是日海鮮有蝦有蜆，蝦同蜆size普通，但兩款都新鮮，入口帶鮮味，都幾好。
食完牛同海鮮，咁就再食其他火鍋配料。朋友隨便攞左d丸，菇同菜之類。呢度d丸幾好食，種類又夠多。魚皮餃外皮夠煙韌，滑牛食落厚實，但軟熟。菜就攞左生菜，新鮮，洗得幾乾淨，入口爽口。
呢度甜品種類好多，雪糕雪條同埋糯米糍都係香港製造。海鹽雪糕好靚，係海藍色架，味道鹹鹹地，少少甜，幾得意。荔枝雪條似冰條，甜甜地。另外仲有細細個韓國嘅脆皮雪糕批，一口一啖，剛剛好。
除左雪糕，原來仲有香蕉pancake，有驚喜，所以都攞左個返黎食。呢個pancake食落仲係暖暖地，有忌廉，但又唔太甜喎，幾好食。Post
