今日放假行完街特登過試
bookmark 左好耐既台灣野
呢到既台灣野除左單點
1
仲有二人豪華套餐同台式火鍋 見二人餐都幾抵就叫左黎試下
小菜 皮蛋豆腐
豆腐係凍既 食落超滑
個汁酸酸甜甜咁好開胃
而家夏天食一流
餐前小食 鹽酥雞(辣）
份量都幾多
鹽酥雞 炸起好酥脆 但又食到d雞既juicy
佢連埋九層塔一齊炸 又係另一種脆
朋友叫牛筋牛肋條麵 加溏心蛋
湯頭好甜 幾重牛肉味
牛筋同牛肋條炆得唔錯
咬落軟腍 食落鬆化
蕃茄炸花枝蝦扒麵
揀左粗麵 加溏心蛋
蕃茄湯底好濃郁 同d 麵好夾
粗麵食落幾煙靭
出面加溏心蛋可能係半隻
呢到原隻上 自己切開見到溏心特別開心
花枝蝦扒 又花枝又蝦
外面脆 裡面爽口 出面比較少食到 推薦
飲品朋友叫左冷泡白桃烏龍
解膩一流
我食台灣野一定要飲珍奶
加左錢要珍珠奶綠
另外食台灣野又點少得甜不辣
炸起好香口 食落好煙靭
加左辣 食落好惹味
最後叫多個滷肉燙青菜
滷肉食落都幾香 但唔會油
下次會再黎食佢既滷肉便當
