六両三.台灣食堂

Open Now

Now Closed

放假相約老朋友出黎食飯聚舊, 選擇了近APM附近一間樓上嘅台灣料理餐廳。餐廳以木系傢俱為主, 氣氛很有台灣風味。餐廳全日免加一, SCAN QR code自行下單, 而餐廳中央設自助區放有飲用水同埋餐具。我地揀咗---二人豪華套餐 HK$258皮蛋豆腐: 凍豆腐配有少少溏心嘅皮蛋, 加上了鹹甜木魚片、甜甜地嘅台式醬汁, 清新消暑。炸花枝丸: 表面炸得金黃微脆不油, 口感彈牙, 食到花枝嘅鮮甜。炸墨汁墨魚扒便當:墨魚扒肉嫩厚實彈牙, 表面炸至金黃酥脆, 米飯吸收了滷汁精華, 配有鹵蛋、醃製小菜、沙拉蕃茄仔, 平衡了整體油膩感。紅燒牛肉麵:湯底味濃不澀, 幾有咬口嘅麵條同埋牛肉稍吸了湯汁, 牛肉有肉香而且軟腍。鹵肉燙青菜: 生菜保持爽脆口感, 加咗豉油同埋滷肉, 增加一點肉香。+$8 珍珠奶茶: 口感順滑, 珍珠熟透帶少少煙韌。+$5 薑母鮮奶茶: 濃郁薑香與順滑鮮奶融合, 薑嘅辛香在口中慢慢散開, 隨後有奶香柔和, 特別適合寒冷天氣飲, 很暖胃。炸甜不辣 HK$30表面炸得金黃微脆, 內裡煙煙韌韌, 面層加咗鹹甜梅粉調味。涼伴麻辣牛展頭 HK$38牛展頭切粒, 口感爽得黎唔硬, 有肉香之

仲有唔夠一個月就到聖誕節，所以近排都收到唔少朋友邀約，出嚟見下面、傾下偈，順便食餐飯，提早慶祝聖誕。友人愛吃煲仔飯又鍾意打邊爐，今次就揀咗呢間一次過可以滿足兩個願望嘅「六両三.台灣食堂」。店內設計簡約，裝修以木系為主，帶點日式餐廳 feel。煲仔飯即叫即做，需時 25 分鐘製作，所以要耐心等候。揀咗個金牌豉汁排骨煲仔飯套餐 ($108)，包窩巴煲仔飯、滷肉燙青菜、小食及台式飲品一杯。一打開煲蓋就傳來滿滿飯焦香，真係見到都流晒口水。排骨份量非常之多，而且以瘦排骨居多，肉質粉嫩，入口啖啖肉，搭配靈魂嘅甜豉油，滋味無窮。青菜爽脆嫩綠，加埋可口嘅滷肉汁，生色不少！酥炸花枝丸金黃香口，而且滿有彈性；薑母茶薑味濃郁，飲完全身暖笠笠。另外點咗個番茄昆布鍋套餐 ($128)  包自選肉盤、台灣好丸及時令蔬菜、主食&台式飲料一杯。湯底清香，帶番茄嘅鮮甜原味。美國 Prime 牛頸脊 (+$36) 嘅色澤同紋路都非常漂亮，肉質新鮮，雪花均勻，咬下去有鮮甜牛味，十分可口。加點嘅澳洲和牛後腿肉眼 ($38) 同 日本鹿兒島豚梅肉 ($38)  水準亦唔錯，前者細致嫩滑、後者富肉香又不羶！拼盤有燕餃、豬肉丸、貢

今日5點幾去左觀塘食台灣菜。餐廳喺國基集團中心4樓，餐廳都幾大，座位闊落，水吧同廚房各一邊。呢到有火鍋餐，台式牛肉麵等，我見有煲仔飯餐，就叫左一個黎試下。餐廳落單用qrcode，非常方便。我就叫左煲仔飯套餐。主角 咖哩牛筋腩煲仔飯，上枱熱辣辣 滋滋聲。咖哩味香濃，大大件牛筋腩，撥開面頭嘅咖哩，見到飯粒乾爽，煲底仲有金黃飯焦。咖哩香濃，配料處理得好細粒粒洋蔥食落好有咬口，好啱撈埋乾爽嘅飯粒。牛筋腩大大件，咬落真係件年都帶筋，肉質軟嫰，一絲絲嘅牛腩肉質都唔乾，牛味都好香。食到落底都仲keep到個溫度，真係風味十足。仙草奶茶 去甜去冰，茶味淡香，奶茶質感幼滑仙草落足料，啖喺清新爽口仙草凍。滷肉燙青菜，生菜配上滷肉汁，生菜爽脆，啱哂配重口味仔飯，適量滷肉味道更香。酥炸甜不辣，少少胡椒調味，新鮮炸起，外脆，裏面彈牙，非常香口。餐廳選擇多，環境舒服，價錢都合理，係觀塘區打工仔唔錯嘅選擇。

今晚，相約了好朋友在觀塘一間樓上鋪吃飯，是位於觀塘巧明街國基集團中心4樓的六両三. 台灣食堂。我們品嚐了二人同行火鍋超值套餐，一人一鍋，整體而言是非常滿意的用餐體驗。首先，套餐包括前菜、餐前小食的選擇，我們選了皮蛋豆腐和炸澎湖花枝丸（五粒）。皮蛋豆腐份量十足，豆腐口感滑嫩；花枝丸外皮酥脆和肉質鮮嫩，兩者令人回味。火鍋湯底有五款選擇，我們分別選了昆布蕃茄鍋和牛骨沙茶鍋，兩種湯底各具特色，昆布蕃茄湯底清甜中帶有微微的海味，而牛骨沙茶鍋則有著濃郁的牛骨湯底和香辣的沙茶味道。火鍋配料也相當豐富，肉類可以從7款自選兩款，我們享用了美國Prime牛頸脊120克和澳洲黑安格斯牛肩肉120克，兩者切成簿片，鮮嫩的肉質，有肉味且入口即化，好滿足。此外，還是台灣好丸及時令蔬菜兩份，好丸包括台灣燕餃、貢丸、鱈魚丸、花枝丸、薑母鴨丸等；自選主食兩份，選了王子麵及關廟麵，各種食材好新鮮且份量十分豐富；飲品點了冷泡冷萃茶和蜂蜜鹹柑桔；由於食物份量太多了，我們最後雪糕也吃不下，沒要了。六両三.台灣食堂的二人同行火鍋超值套餐絕對是一個物超所值的選擇。餐廳環境舒適，坐滿人也不覺得嘈吵，是一個美味又溫馨的用餐環境。如果你

最近冬天新出嘅煲仔飯系列套餐，一個套餐有煲仔飯、滷肉燙青菜、花枝丸/甜不辣同一杯野飲，幾抵食🤩。三杯雞煲仔飯餐 $116有好多舊雞，值得讚嘢係佢會俾支豉油你自己任落。雞肉好滑嫩，配埋飯焦脆脆地嘅口感一齊食，好香口🌶，而且口感好豐富🐥。揀左甜不辣做小食，煙煙韌韌，再加埋微微嘅魚味，作為小食唔錯😋。咖喱台式排骨便當 $68便當有台灣腸同蛋等等做配料，排骨上面有孜然粉，份量都好大😲。排骨口感厚實，然後配埋咖喱一齊食，令味道更有層次。咖喱只係微辣🍛，但又有甜甜地嘅味道，好特別，出奇地開胃。紅燒牛肋條湯 $65牛肋條數量都幾多，而且每舊都好大🍲。食落牛味香濃，吸收晒湯嘅味道，有嚼勁，再配埋湯一齊食令牛味更濃郁鮮香🥄。秘製紅燒肉湯由藥材、醬料等熬製而成，味道和諧濃郁。鹹酥雞 $32 麻辣牛展頭 $38另外叫左鹹酥雞同涼拌麻辣牛展頭做小食，鹹酥雞好香口👍🏼，雞肉都好juicy，唔係啲好乾柴嘅肉，仲要夠晒大份，正！牛展頭食落好爽口😛，再加埋麻辣味，令牛展頭更加惹味🌶。嘢飲方面，叫咗檸檬綠茶多多🍋同珍珠奶茶🧋。檸檬綠茶多多嘅檸檬係用鮮檸檬，檸檬嘅香味更加突出再配埋綠茶多多，好Fresh好解膩。珍珠奶茶嘅

台灣菜過江龍六兩三嘅牛肉麵不嬲好出名，觀塘呢間分店限定有得食煲仔飯，有喺呢間食過一人火鍋有食過牛肉麵，今次專誠嚟試煲仔飯😙每個煲仔飯套餐都包含煲仔飯、小食、飲品、菜，每款平均都係$150以內臘腸排骨煲仔飯套餐煲仔飯必食臘味🥰臘腸同排骨份量都多，排骨入味又滑，趁熱食超正🙌🏻咖喱牛筋腩煲仔飯套餐難得見到啲特別嘅口味，試試佢🥰估唔到又幾夾，微辣~不過食多幾啖有啲膩兩個煲仔飯嘅飯焦都好靚好脆🙌🏻正跟餐小食揀咗甜不辣同埋花枝丸以為份量好少，估唔到各三粒，超中意🙌🏻跟餐仲有肉燥生菜，飲品揀咗檸檬紅茶同埋冬瓜茶🙌🏻滿足因為小食實在太吸引忍唔住另外嗌咗三款，鹽酥雞、地瓜條、酸青瓜🙌🏻全部都好好味，食到好飽～總括嚟講，呢間台灣嘢食種類選擇好多，環境寬敞舒服，性價比高，值得試❤️‍🔥

趁未開工約了好友開年, 她在觀塘工作, 建議這樓上店若不是朋友介紹, 也不知官塘有呢個好味店我們645分到, 大部分座位已坐了, 好在我們比較早到達一入到職員已說我們可以坐沙發位, 座位寛闊, 地方非常乾淨, 職員有禮, 快手快腳,已給我很好的感覺我們點了一個煲仔飯餐, 包括小食有滷肉燙青菜, 炸花枝丸 , 首先來是大大碟的生菜, 健康菜式, 之後上的是炸花枝丸, 大大粒很脆好味等了一會,北菇雞煲仔飯才到, 甜甜的 豉油加上在自助區取的麻油倒在熱滕滕的飯上, 飯不硬, 稍後朋友等了數分鐘才吃, 因為她超愛飯焦, 分量太多, 我和她一起分享這套餐, 超級多雞, 細細件的容易吃, 冬菇也很淋, 跟餐是凍仙草奶茶, 這飲料真同這套餐很夾至於我點的是出名的牛肉麵, 又是分量驚人, 很多片厚牛肉但仍很入味, 麵條闊很有咬口, 湯底也好香, 一定煲了很久, 這店真很有台灣味道, 可能是台灣人開的店想試多些食品, 也點了流心蛋, 滷蛋, 飯品則點了熱鹹柑橘見客人愈來愈多, 我們也不久坐了, 見到很多客人也點火鍋, 因為天氣很冷, 加上火鍋我見餐牌已知原因, 價錢便宜和很多小碟, 下次我必要試我和朋友

依排突然凍返，好想食啲暖笠笠嘅嘢居然可以同時打邊爐又食到煲仔飯﹗煲仔飯餐連埋滷肉燙菜同埋小食(揀咗花枝丸)再加飲品先$108勁平勁抵食品項都好台式叫咗三杯雞煲仔飯當然要加埋臘腸一打開蓋已經超香可以自己加鼓油雞件超多好嫩滑有辣椒係裡面怕太辣可以係撈勻之前拎走小小先撈埋夠香口夠惹味食到最尾仲有好多飯焦脆卜卜超開心自選火鍋先揀好湯底$38仲包一個菜籃所有配料都可以客製化有肉有丸有菜有麵類揀咗牛骨沙茶湯肉類揀咗兩款美國PRIME牛頸脊加日本鹿兒島豚梅肉同埋王子麵無論牛定豬都好好食睇樣已經好靚食落有肉味仲好夾沙茶湯底連醬都唔洗點仲嗌埋我最愛嘅鹽酥雞同台灣腸可以自選要辣定唔辣炸到好香好脆調味都好惹味好香口飲品一杯係珍珠奶茶另一杯係古早味奶茶兩杯都好好飲我哋兩個人食到超飽人均都係百零蚊但已經食到咁多野食﹗誠意推薦

約咗舊同事去觀塘食飯，佢提議去食台灣菜，六両三位於巧明街樓上舖，店內擺設以木製為主，好有台灣格調，主打一人火鍋、煲仔飯和台灣小食。煲仔飯套餐金牌豉汁排骨煲仔飯：煲仔飯即叫即做，上枱時熱辣辣香噴噴，排骨份量十足，肉質鮮嫩唔會好肥，臘腸加排骨簡直是無敵組合，白米飯吸滿配料的精華，飯焦脆卜卜好滋味！滷肉燙青菜：生菜加上滷肉和汁醬，爽脆之餘，味道更香更濃。酥炸台式花枝丸：花枝丸炸得香口，肉質鮮甜彈牙。熱蜂蜜咸甘吉微鹹帶酸，味道芳香。一人一鍋有多款湯底選，更有不同火鍋配料自選。番茄昆布鍋：昆布熬製的高湯風味甘醇，搭配上番茄湯底，味道輕盈、解膩、高營養的湯底。日本鹿兒島豚梅肉：豚肉的味道濃郁而鮮美，脂肪甜美而不膩。鱈魚丸、貢丸、花枝丸：鮮味彈牙。時令菜盤，有生菜、娃娃菜、蘿蔔、金菇，粟米、蕃茄仔等，全部都好新鮮。加多舊嫩滑嘅豆腐。台灣粗麵口感Q彈。凍檸檬紅茶散發淡淡檸檬果香，解膩去油。鹽酥雞口感酥脆唔油膩。黃金地瓜條：油炸後呈現金黃的色澤，一口咬下外酥內鬆軟，帶有地瓜自然的香甜風味。台灣腸：口感紮實，嚼勁十足，煙韌多汁。

六両三日前出左冬天系列就係煲仔飯，同埋養生火鍋，又可以打邊爐又可以食煲仔飯，啱哂冬天。養生火鍋叫左沙嗲牛骨湯（$38）連一盆蔬菜盤，其他野食就要單點，咁我地就另外點左牛肩胛（$48），響鈴（$10），蜂巢豆腐（唔記得$10／$12），(燕餃$12），王子麵（$8），火鍋冇咩特別，係個湯底以為沙嗲好濃其實偏淡。另外叫左個三杯雞煲仔飯，三杯雞份量好足， 而且真係有飯焦，但我覺得三杯雞個味未算出，所以啲雞香味落唔到啲飯到。但冬天可以同時食到煲仔飯同火鍋都算係咁。

去過尖沙咀分店覺得唔錯今次帶埋朋友黎觀塘分店再試試🥳呢間地方大好多 超多座位勁闊落仲特有手搖飲品部中間有自助醬料吧另外仲有單人專用的bar台位🤗最近開始凍凍地驚喜地見到有一人一鍋台式火鍋仲仲有煲仔飯食!!!價錢都係人均一百蚊鬆D好實惠🤩三杯雞煲仔飯套餐$108🍚跟餐有杯台式飲品、菜、小食CP值黎講真係好抵食🫶🏻份量足，就算男士都肯定夠飽煲仔飯上台熱辣辣出哂煙三杯雞肉質唔鞋，但個酒味就唔算太出食到底好多飯焦，正😋雖然小食只有半份 但其實都唔少滷肉配青菜好入味 幾好送飯花枝丸有3大粒，勁彈牙，炸得岩岩好三寶牛肉麵$88🍜有紅燒同麻辣湯底兩款叫左麻辣都唔算辣，易入口既，同埋唔算好油膩再加左$6滷蛋 好入味呀!!!牛肉俾得都幾大方，食極都有煮得幾腍，整體唔錯 👌🏻單點幾款小吃台灣腸$30必叫，十分咸香惹味鹹酥雞 (香辣口味) $32🍗目測最少有十嚿八嚿炸粉唔厚，有肉汁，肉滑😍百頁豆腐$23口感幾特別，唔似平時咁有一層層相對係比較厚實，索哂汁都係送飯一流仙草奶茶 幾滑🧋就算左全糖都無死甜仙草份量都多 大小適中唔會似出面有D就咁一大嚿唔切 好難啜

最近我造訪了「台灣六兩三食堂」，這家餐廳以其道地的台灣風味而聞名，吸引了不少食客。這裡的菜單上不僅有經典的台灣小吃，還有一些創新的飲品。以下是我此次用餐的體驗，讓我們一起來看看這裡的美味。三杯雞煲仔飯 新出菜式首先，我點了「三杯雞煲仔飯」。這道菜的特色在於其濃郁的香氣和豐富的口感。煲仔飯的米飯底部微微焦脆，米粒吸收了三杯雞的醬汁，讓每一口都充滿了香味。雞肉經過慢火煮製，軟嫩多汁，搭配香蒜和九層塔，讓整道菜增添了不少風味。這樣的組合不僅讓人感受到台灣傳統料理的精髓，更讓人回味無窮。珍珠奶綠為了搭配主菜，我點了一杯「珍珠奶綠」。這杯飲品的茶香濃郁，奶香滑順，珍珠的Q彈口感更是為整體增添了樂趣。甜度適中，非常適合在享受美食的同時，來一口清新的飲品，讓口腔得到充分的滋潤。滷肉燙青菜（小）接著，我品嚐了「滷肉燙青菜（小）」。這道小菜是經典的台灣風味，滷肉的香氣四溢，肉質鮮嫩，搭配清脆的青菜，讓人感受到味道的層次感。滷汁的鹹香恰到好處，讓人不禁想要再來一碗飯，完美地平衡了肉類與蔬菜的搭配。炸花枝丸（小）隨後，我還點了「炸花枝丸（小）」。這道小食外皮金黃酥脆，內裡的花枝鮮嫩多汁，口感非常棒。搭配的特

環境台feel有特色， 仲有sofa位坐，可以慢慢嘆住食便當🍱，又可以嘆住打邊爐🥘，更有煲仔飯選擇❗️🔸三杯雞煲仔飯 $108一打開蓋，🍃九層塔嘅台式香氣立即飄岀嚟，芬芳撲鼻。雞肉🐥經醬油和米酒醃制，味道濃郁，口感嫩滑不老👍🏻飯粒分明🍚，底部飯焦更香脆，精華所在❗️🔸滷肉湯青菜套餐仲有半肥瘦肉燥， 淋在菜上面，真正台到盡頭😉🔸台式胡椒鍋套餐 $128先飲啖湯，胡椒香味濃郁，湯頭濃厚，入口即暖胃😌配料仲多達8種，包括台式丸、粟米🌽、蘿蔔、菜等，增添台豐富風味😋😋額外加🔸日本鹿兒島豚梅肉 $38脂肪紋理分布均勻，輕輕淥一淥，嫩滑口感，實屬高質🔸炸黃金地瓜條 $28色澤金黃，非常酥脆，隱唔住食哂😂

今日聖誕節，老公話帶我去食火鍋同煲仔飯，滿足晒我兩個願望。餐廳係食台灣嘢，上年就去左尖沙咀店食，今年就黎左觀塘店。呢間餐廳空間好大，分兩邊廳，環境乾淨舒服。餐牌有好多選擇，樣樣都好想食，價錢亦係平民價。餐牌有招牌咖哩便當、二人豪華套餐、煲仔飯套餐同火鍋套餐，我哋就叫煲仔飯同火鍋套餐。煲仔飯套餐：套餐有煲仔飯、滷肉燙青菜、小食同指定飲品。我哋就叫豉汁排骨煲仔飯，豉汁同排骨滲晒去飯裡面，飯夠油香。煲仔飯煮嘅時間亦剛剛好，做到有飯焦底但唔會燶晒，味道夠焦香，咬落好脆，好有水準。滷肉燙青菜：青菜夠綠爽口，加左滷肉食落比較香，簡簡單單，夠味。炸花枝丸：剛炸起，好熱，入口彈牙，加埋沙律醬都幾好味。火鍋套餐：套餐係湯底價錢 + 時令菜盤 + 飲品 (+$10)，配料有幾款唔同價錢，可按自己想食嘅份量叫。湯底有5款選擇，我哋揀蕃茄昆布鍋湯底，湯底好甜，蕃茄味濃，仲加左洋蔥。配料有美國prime牛脊骨 (+$58)，雪花均勻；而澳洲黑安格斯牛肩肉 (+$48)就比較瘦，兩款牛味都濃。金牌台灣牛筋丸咬落爆汁，味道濃。蜂巢豆腐同台灣王子麵吸晒湯嘅精華，入味好食。時令菜盤份量都唔少，有椰菜、白蘿蔔、生菜同金菇

食過觀塘呢間六両三幾次，佢嘅牛肉麵特別好食，見到佢出咗煲仔飯有得外賣，於是買返去同屋企人試下。飯焦好靚，火喉控制得好，三杯雞雞肉嫩滑，係特別嘅台式風味煲仔飯。豉汁排骨都煮到好䭃，夠入味，飯底吸收咗排骨嘅肉汁，撈埋一齊食有層次感。豉油係另上嘅，可以自己控制落幾多。煲仔飯套餐仲跟滷肉青菜、花枝丸/甜不辣同台式飲品，好抵食。花枝丸超級好食，大大粒好彈牙。飲品揀咗黑糖珍珠奶綠，珍珠Q彈有嚼勁，不過黑糖味唔算太出，但都係好飲嘅台式奶茶嚟嘅，而且有得揀三分甜，啱曬怕甜嘅我。另外就揀咗冷泡白桃烏龍茶，烏龍茶嘅醇香配上白桃嘅果香味，飲落去非常清爽，舒服又解渴。另外仲叫咗排骨便當同鹽酥雞。豬排超級大塊，香口而唔油膩，配埋台灣特色滷蛋、台灣腸、椰菜，完全重現咗台灣街頭嘅便當風味。小食鹽酥雞份量好大，炸得香脆，overall所有嘢食都好味，特別推薦試下煲仔飯