Video
Read full review
2019-03-31
1393 views
天氣乍暖還寒，最近幾日又凍返，就想食啲熱辣辣嘅野！好耐冇食雞煲，朋友推薦旺角白布街有間叫做「陸陸雞煲火鍋」，已經開咗好多年，一直都未試過，就試下佢質素如何啦！晚上黎到都已經幾多客人，有各類單點火鍋雞煲配料，亦有陸陸雞煲火鍋海鮮套餐，每位$338，就可以享用雞煲同波士頓龍蝦海鮮湯底及精選火鍋配料冷盤花螺小食花螺都幾厚肉，頗鮮甜的陸陸雞煲兩人份量有半隻雞，雞件份量都幾多，皮薄肉厚。我地揀左微辣，所以辣度唔算好高，微微香辣，由於煲裡仲有好多八角、蒜頭、洋蔥、香葉、芫荽等等香料，所以好香口惹味，雞肉亦都相當入味，嫩滑美味波士頓龍蝦湯食完雞煲店員便會為我地換上波士頓龍蝦湯，有蕃茄、粟米、原隻波士頓龍蝦等等配料而成的湯底，湯底散發着陣陣龍蝦香氣！原隻龍蝦好厚肉，肉質彈牙，蝦膏極多海鮮火鍋拼盤海鮮拼盤陣容頂盛！有鮑魚、貴妃蚌、廣島蠔、聖子、蜆、海蝦同魚片等等，海鮮都係每日攞貨的，確保新鮮！廣島蠔大大隻好肥美；鮑魚同貴妃蚌都幾鮮甜；海蝦好大隻；蜆肉新鮮，冇沙！啱晒鍾意食海鮮嘅人肉類拼盤除咗海鮮，仲有碟肉類拼盤，當中有頂級美國肥牛、豬肉片、同牛柳粒。豬肉片肥瘦分布均勻，好香軟，豬肉味頗濃郁！肥牛片同牛柳
晚上黎到都已經幾多客人，有各類單點火鍋雞煲配料，亦有陸陸雞煲火鍋海鮮套餐，每位$338，就可以享用雞煲同波士頓龍蝦海鮮湯底及精選火鍋配料
冷盤花螺小食
花螺都幾厚肉，頗鮮甜的
陸陸雞煲
兩人份量有半隻雞，雞件份量都幾多，皮薄肉厚。我地揀左微辣，所以辣度唔算好高，微微香辣，由於煲裡仲有好多八角、蒜頭、洋蔥、香葉、芫荽等等香料，所以好香口惹味，雞肉亦都相當入味，嫩滑美味
波士頓龍蝦湯
食完雞煲店員便會為我地換上波士頓龍蝦湯，有蕃茄、粟米、原隻波士頓龍蝦等等配料而成的湯底，湯底散發着陣陣龍蝦香氣！原隻龍蝦好厚肉，肉質彈牙，蝦膏極多
海鮮火鍋拼盤
海鮮拼盤陣容頂盛！有鮑魚、貴妃蚌、廣島蠔、聖子、蜆、海蝦同魚片等等，海鮮都係每日攞貨的，確保新鮮！廣島蠔大大隻好肥美；鮑魚同貴妃蚌都幾鮮甜；海蝦好大隻；蜆肉新鮮，冇沙！啱晒鍾意食海鮮嘅人
肉類拼盤
除咗海鮮，仲有碟肉類拼盤，當中有頂級美國肥牛、豬肉片、同牛柳粒。豬肉片肥瘦分布均勻，好香軟，豬肉味頗濃郁！肥牛片同牛柳粒質素都不錯，牛肉味香濃
鮮菜籃及菇菌類拼盤
三款精選鮮菜分別有生菜、皇帝菜同娃娃菜，碧綠新鮮又爽脆！除咗有幾款鮮菜，仲有菇菌類拼盤，有金菇、秀珍菇、草菇、雞髀菇同鮮冬菇，份量適中！精選晒多款適合打邊爐的鮮菜及菇菌，亦迎合返香港人健康的需要
手打丸及四式水餃
三款手打丸分別係：墨魚丸、牛丸、豬肉丸，食得出係啖啖鮮肉新鮮手打而成，並沒加入麵粉，真材實料啊！我最鍾意嘅係墨魚丸，新鮮爽口又彈牙，正呀！另外的魚皮餃、雲吞、水餃、同白菜豬肉餃都好新鮮，內裡肉餡豐富，皮薄餡靚，好味道啊！
自家炸響鈴及炸魚皮
響鈴浸1秒就食得，吸收晒龍蝦湯嘅精華，永遠都係打邊爐嘅必點項目！脆炸魚皮質素都不錯，幾新鮮香脆
總括而言，每位$338就有咁多款野食，食物質素好，性價比都幾高！同埋真係非常飽！
Post
