うまい鮨勘

Open Now

Now Closed

呢間我認為喺香港都算係好高質素嘅日本料理餐廳，餐廳環境都幾好，喺尖沙咀海運大廈 平時中午同夜晚都好多人排隊，所以一般都建議book枱。呢間餐廳有好多好新鮮嘅刺身同埋海鮮，今次人比較多 就叫咗一個極上12品目刺身盛合$1200 雖然睇落價錢都唔平，但係佢嘅份量同埋食到嘅刺身款式會令到你覺得值回票價，有好大嘅八爪魚吸盤 仲有鮮甜嘅海膽，拖羅🍣🍣🍣 每一款都好新鮮 而且廚師處理得好好 好厚切👍🏻除咗刺身日本嘢我都會鍾意叫啲壽司 新鮮嘅刺身配埋醋飯 都係另一種享受😋另外呢度嘅雞翼都做得好好 即叫即燒外脆內軟，雞翼尖既邊邊位真係好香口架 一隻接一隻食唔停。