飯意主題餐廳 (Closed)

朋友推介我黎哩間試下，佢話平、靚、正！今日中午黎開旺角就黎食lunch。見到門口有設置排隊既位置，心想入面一定有d咩特色野要排隊入去咁勁。打開餐牌見到價錢咁抵我諗哩度出名夠平，食個lunch $43有埋野飲，連鎖快餐都做唔到，仲要喺旺角鋪租咁貴既地方，難怪咁多食客支持。凍檸茶跟餐加$2 紅豆冰加$9杯紅豆冰椰奶香甜，紅豆粒粒都好林，好好飲！芝士薯餅豬扒咖喱飯 $45金黃色既流心芝士好吸引，好大碟呀！豬扒好林，個咖喱係唔辣既，中間夾住塊薯餅咁樣加埋黎食幾特別，原來係幾夾既。芝士鰻魚蟹籽蛋漿飯 $78見到幾枱食客都食緊哩碟蛋漿飯，聞到勁香，到我地有得食時店員會幫我地撈好隻蛋同芝士，咁平都有咁好服務，唔洗自己整，超好！個飯有好多芝士好香呀，啖飯有好豐富口感，因為有好多料，有鰻魚、蟹籽、紫菜、蛋，哩碟蛋漿飯我認為係黎到必食既，真係正！原條鰻魚瀑布厚多士 $68係原條長掌咁大既鰻魚，今餐真係滿足左我想食鰻魚既慾望，未試過食咁多，好滿足。個滑蛋係亮點之一，配埋面頭燒汁超正。鰻魚多士係第一次食到，好特別。個多士底可以再烘得脆d，但都ok。哩間餐廳已經入左encore list，下次黎開旺角必會回頭。