甜水 (Closed)

喺旺角經過見到一間新開嘅糖水店，而家仲有新開優惠有九折添，見到有咁多人排隊，所以我都去睇吓，睇到個Menu真係幾抵食💓喎，今次就一於試呢一間。合桃糊佢嘅合桃糊一黎到就已經聞到超香💗，食落超級滑💗，少少起沙都冇，合桃有潤腸嘅功能💗，啱晒平時中意食咁多嘢嘅我。薑汁芝麻湯圓近排天氣涼返少少，薑汁糖水一食落就有好溫暖嘅感覺，芝麻湯圓好有彈性💗，一咬落去爆漿芝麻，啲餡好多💗。想碗薑湯飲晒，辣辣地好過癮💗。