潮福蒸氣石鍋 (Closed)

今日同朋友去咗大埔食晚飯去到呢間大埔廣場嘅酒家，朋友話好抵食所以就去試一試，我哋叫咗個時月孖寶套餐，有半隻雞同埋龍蝦伊麵 兩個加埋街188蚊，真係超值到不得了，龍蝦嘅肉非常鮮甜麵份量已經夠多，其實如果兩三個人就咁食個孖寶套餐都已經好飽㗎喇，另外隻雞煮得非常之滑非常好味，另外我哋仲叫咗四隻扇貝，佢用蒜蓉同埋粉絲配上非常新鮮嘅扇貝，蒜蓉同粉絲亦都唔會搶走扇貝嘅味道，配合得非常好，除此之外亦都叫咗個咕嚕肉，咕嚕肉嘅甜酸汁剛剛好，稍為咕嚕肉炸得硬咗少少但亦都非常好食