七輪燒肉 (Closed)

去左西灣食日本燒肉，今次做乜去到西灣咁遠？因為要食好野通常都係要去遠少少嘅，呢間七輪燒肉，冇令我失望。入到去，已經好型格，橙黃燈光加上一個個銀色鐵爐，仲係木材嘅建築，四周放了酒樽，好有氣氛，約班朋友嚟傾計食飯燒下肉最岩。我地嗌左吾少，太正一嚟就食冇乜點影到相，大家一定要去試下，嗌左鎮店之選，霜降和牛肉眼扒定食，以為要好貴，錯了，仲平過超市自己買嚟煮，才百多元，非常期待，上碟果然冇失望，脂肪分佈超靚，燒兩燒就食，入口即溶，而家諗返都口水直流。另外，仲食左牛臂肉，又係和牛嚟，冇咁肥，牛味重少少，超正丫，都係百多元，除左牛，仲有一，份份定食，有飯有面，都係六十幾蚊，呢間真係會再約另一班朋友帶佢地去試下，真心推介。