車仔麵之家 (Closed)

灣仔嘅美食真係太多！要揀灣仔必食之店，車仔麵之家會係我推介嘅其中一間。原因好簡單 - 車仔麵嘅餸款式多選擇，價錢親民又好味而且份量多，店舖位於春園街好方便，店員有禮貌。中午時分就算排長龍都會好快食倒！因為先排隊買食物，然後至揾位，坐底左一陣等叫number, 過程好smooth，簡直快靚正！提一提大家，假日同公眾假期唔開！我最愛就係酸齋同咖喱魷魚！推介👍👍👍🍜🍢🌶4餸車仔麵  $47 （炸墨魚腐皮卷，魚旦，蘿蔔，蠔油齋 ，油麵）中辣 ： 點餐時一心掛住蘿蔔同蠔油齋，忘記了我的最愛咖喱魷魚，唉！後悔莫及 ！唯有留返下次再黎食！天氣涼涼地所以點了中辣！我個人最喜歡車仔麵配油麵，因為車仔餸咁多，慢慢食又唔會咁快漲哂！蘿蔔超甜， 蠔油齋未浸湯可以脆食，浸滿辣湯又超入味！必點！魚旦好有口感！炸墨魚腐皮卷普通，如果可以換返咖喱魷魚就完美！中辣真係好辣！🍜 🥓🌶5車仔麵  $58 （豬大腸，甜酸齋，豬紅，紅腸，魚皮餃，米粉）小辣  老伴揀嘅甜酸齋酸酸地又脆十分開胃，唔會好乾啱啱好，必食！豬大腸好入味，豬紅比較林身同好香，由於點了小辣會食倒個湯頭都好好味！下次再黎！