甜水 (Closed)

喺旺角搵糖水店當然係要去廣華街啦，咁啱望到一間新開張九折優惠，就即刻衝入去試吓啦，睇完佢餐牌📜之後發現佢價錢💰原來本身都已經好平，再加埋有九折真係超級抵食。今日都係叫咗兩碗養生系列嘅糖水，先講吓木瓜雪耳桃膠，木瓜好正，也樹上熟嘅感覺好甜，雪耳桃膠口感好豐富👅，成個糖水都好滋潤。另一個就係桑寄生紅棗蛋，入面仲有完整成個蛋。女仔👧🏻嚟完M飲呢個就係最好，補充番所需嘅鐵質，滋陰養顏行氣活血！！