Video
Read full review
2023-05-22
2895 views
ICC既喺香港地標，又喺香港最高建築物，上到嚟101樓「Sky Dining 101」層食飯，感覺當然喺有啲唔同，呢次嚟到主打精緻粵菜嘅「麒天」，細嚐高級中菜，雖然今次未能夠坐晌窗口位，但都有種居高臨下嘅感覺。踏入餐廳先要經過長長嘅走廊，其實兩邊喺唔同大細嘅貴賓廂房，聽侍應講今日所有廂房都訂滿晒，所以，都未有機會睇一睇啲房喺點。走到盡頭，就喺用餐大廳，望入去有兩面都喺落地大玻璃，正正對住180∘維港景色，景致絕對一流，而整個環境裝修華麗，典雅卻不俗氣，加上燈光柔和，令到整個氣氛都予人非常舒服，而嚟嘅都喺屬較斯文嘅人，所以，唔會話好嘈吵。枱櫈嘅編排亦都好闊落，當然訂到窗口位，就有靚景伴飯，不過我哋被安坐晌排近門口嘅梳化位，放咗好多咕臣，坐落又極為舒服寫意。枱上嘅餐具、擺設都一絲不苟，精緻好睇，就連餐巾都繡咗餐廳名字。擺盤比較西化，但如需茗茶，如陳年普洱、鐵觀音……亦可向侍應要求。雖然有個散點餐牌，但今次目標喺由冷盤、熱葷、主食、連埋水果、甜品10道菜嘅「晚市套餐」（$1,388 + 10%），樣樣少少，可以一次過試到多款巧手特色菜，絕對喺「味力」誘惑。琥珀合桃、酸蕎頭、醃漬蒜頭餐前送嚟小
踏入餐廳先要經過長長嘅走廊，其實兩邊喺唔同大細嘅貴賓廂房，聽侍應講今日所有廂房都訂滿晒，所以，都未有機會睇一睇啲房喺點。
走到盡頭，就喺用餐大廳，望入去有兩面都喺落地大玻璃，正正對住180∘維港景色，景致絕對一流，而整個環境裝修華麗，典雅卻不俗氣，加上燈光柔和，令到整個氣氛都予人非常舒服，而嚟嘅都喺屬較斯文嘅人，所以，唔會話好嘈吵。
枱櫈嘅編排亦都好闊落，當然訂到窗口位，就有靚景伴飯，不過我哋被安坐晌排近門口嘅梳化位，放咗好多咕臣，坐落又極為舒服寫意。
枱上嘅餐具、擺設都一絲不苟，精緻好睇，就連餐巾都繡咗餐廳名字。擺盤比較西化，但如需茗茶，如陳年普洱、鐵觀音……亦可向侍應要求。
雖然有個散點餐牌，但今次目標喺由冷盤、熱葷、主食、連埋水果、甜品10道菜嘅「晚市套餐」（$1,388 + 10%），樣樣少少，可以一次過試到多款巧手特色菜，絕對喺「味力」誘惑。
琥珀合桃、酸蕎頭、醃漬蒜頭餐前送嚟小食，餐具非常精緻，老婆未到，正好過過口癮。啲合桃超香脆，每粒都包滿薄薄一層糖膠，卻唔黏牙；蕎頭酸爽醒胃，咬落脆口咯咯聲；而蒜頭喺最有驚喜，因為諗住會喺腍身，好大朕蒜味，但口感卻喺有種爽脆感，蒜味唔會嗆喉。
琥珀合桃、酸蕎頭、醃漬蒜頭
6 views
0 likes
0 comments
作為打頭陣嘅頸盤，賣相已有啲先聲奪人，最底層喺軟滑嘅牛油果蓉，再鋪上厚厚一層他他蝦肉，襯以一滿羹黑魚籽，更冰鎮住上枱，蝦嘅鮮味絕對唔會流失，而且，刺身級數嘅蝦肉果然好甜，刴到細碎卻仍保持爽口感，鹹香嘅黑魚籽就更突出蝦鮮味。
牛油果他他蝦
2 views
0 likes
0 comments
三色溫室蕃茄伴花椒聖子皇第二道頸盤再嚟都喺刺身冷盤，聖子皇起晒肉，襯以三色溫室番茄片，非常的骰好睇。驟眼睇，啲聖子好似無咩特別，但食落除咗柔韌之外，滲出陣陣花椒香，卻唔霸道，而啲溫室番茄好清甜，正正可以平衡返啲花椒味。
色溫室蕃茄伴花椒聖子皇
3 views
0 likes
0 comments
軟殼龍蝦配鮮龍蝦汁軟殼食得多，軟殼龍蝦肯定喺第一次食，又一驚喜之作。鮮龍蝦汁堂上淋落嚟，帶點氣派感。先食咗底下件龍蝦肉，爽彈鮮味，而嚟試試上面件蝦頭，果然真喺軟殼，可以就咁成件咬落去，絕唔會巉口放心食，就好似食軟殼蟹咁，佐以超濃郁嘅龍蝦汁，確在滋味。
軟殼龍蝦配鮮龍蝦汁
5 views
0 likes
0 comments
湯水老婆就最鍾意喇，個燉湯完全喺無得輸，老婆大讚非常之好飲，睇到啲湯色就知清而不濁，入口有濃濃姬松茸香味，醇和夠火喉，感覺好滋潤。湯內有大大條海參，口感柔軟帶點爽，而螺頭柔韌有咬口，真喺每一口都喺精華。
甘鯛立鱗燒輪到主食，先喺一道鮮魚菜式，有別常食嘅蒸魚，而喺帶有和風嘅甘鯛立鱗燒，賣相好特別，炸到啲魚鱗泛起片片金光，咪以為口巉巉，入口卻喺酥脆到不得了，非常得意；而下面嘅魚肉質感挺實，但食落卻喺鮮嫩至極，魚味濃郁，並佐以粟米汁，超讚！
甘鯛立鱗燒
3 views
0 likes
0 comments
48小時慢煮牛肋肉伴紫准山另一道主食就2揀1，我哋兩個人就當然可以兩款都試勻。老婆唔多食牛，小弟就獨霸呢份慢煮牛肋肉，牛肋肉煮得啱啱好，一來色澤粉嫩，完全無滲出血水，二來啲肉質真喺嫩滑細膩，肉味香濃又富肉汁，真喺無可挑剔；而紫准山爽脆清新，又夠健康。
48小時慢煮牛肋肉伴紫准山
11 views
0 likes
0 comments
忌廉魚籽脆皮花膠老婆食花膠就最啱啦，補番足啲膠原質。平時食花膠都喺炆嘅多，脆炸都喺第一次，估唔到效果非常之好，厚厚嘅花膠本身已好夠咬口，再加埋香脆薄薄嘅炸漿，一脆一軟，實在好食，再沾上混滿大大粒三文魚魚籽嘅忌廉汁，好有心思嘅配搭。
忌廉魚籽脆皮花膠
6 views
0 likes
0 comments
雲海蟹肉扒時蔬都喺時候食番啲蔬菜，不過，就算喺一道「菜」式，都要做到最好。時蔬用上極之鮮嫩爽脆，入口無渣嘅鮮露筍，再放上大量鮮拆蟹肉，伴以蛋白茨，絕不失「雲海」之名，蟹肉鮮甜好食，實在超足料。
雲海蟹肉扒時蔬
13 views
0 likes
0 comments
大澳蝦籽海苔撈麵接近尾聲，其實都已經好飽吓，不過仲有飯麵，同樣喺2揀1嘅菜式。先試個撈麵，捲起嘅粗麵擺得好靚仔，灑上大量大澳蝦籽，所以，食落滲出陣陣鹹香味，天然、甘香，再佐以炸櫻花蝦、炸紫菜、炸魚乾仔，撈埋一齊食，口感、味道就更豐富。
大澳蝦籽海苔撈麵
6 views
0 likes
0 comments
XO醬海鮮炒飯用上XO醬，又有海鮮，個炒飯唔好食都幾難，實在炒得好有鑊氣，飯粒分明，XO醬嘅味道均勻，而海鮮嘅用料不賴，滿滿嘅鮮蝦粒、魷魚粒混晌飯中，每一啖都咁正。
日本時令水果用得上「日本時令」，當然亦喺啲高級貨色，夕張密瓜、香印提子，絕對唔會叫客人失望，前者清甜好味，甜度更喺非常之高，而後者亦都出色，提子嘅香味特別清新，咬落同樣好甜，又唔會有種澀味。
日本時令水果
6 views
0 likes
0 comments
飯後甜點當然為一餐飯有個美好嘅結束啦，套餐就提供咗雪莓娘及紅棗糕，前者就喺草莓大福，外層軟綿綿，裡面有解甜士多啤梨，但小弟就更鍾意後者，因為紅棗濃到不可開交，實在喺超濃郁，而糕身煙韌有咬口，卻喺一啲都唔黏牙，正呀喂！
雪莓娘、紅棗糕！
1 views
0 likes
0 comments
Post
