點一龍 (海港城) (Closed)

返公司做嘢，樓下點一龍出左個脆趣摩天輪🎡 下午茶餐，$138/人，相當有趣，而且點心種類繁多，決定同屋企人試下。😋原隻鮑魚粥 （摩天輪）粥底好香，仲好甜，入口綿滑。配料豐富，有成隻鮑魚係度，雞肉處理得乾淨。雲吞面 （摩天輪）雲吞係鮮蝦雲吞，入口新鮮爽脆，雲吞面處理得十分乾淨，食落完全冇異味。海蝦長春卷（摩天輪）表皮炸得香脆，由於係海蝦所以特別多肉同埋爽口。😊長條金柱蘿蔔糕（摩天輪）蘿蔔糕都炸得金黃酥脆，非常唔錯。避風塘茄子（摩天輪）茄子炸到金黃，仲帶有濃濃的的蒜香味。鹹水角（摩天輪）鹹水角係梨的形狀，老豆食左一個先，佢話好好食，然後我試下，童年回憶真係返晒黎，微甜再加上煙韌有咬口，內餡是鹹香的蝦米和肉碎，難怪老豆話好食😋。脆皮牛腩（摩天輪）牛腩炸得香脆可口，切到細細件一啖一件啱啱好。椒鹽魷魚豆腐（摩天輪）椒鹽魷魚賣相美觀，魷魚肉質煙韌，沒有腥味，豆腐嫩滑。