愛茶 (Closed)

今日下午朋友話要出尖沙咀買衫，我就陪佢一齊去，順便就傾下計，同食埋個午餐就返屋企，行下行下街就口喝，見到前面有間「愛茶」，就走左入去買2杯野飲，聽朋友講依間飲品鋪頭，都好出名，難得行到過黎，就要飲返杯再走如果手機冇電，店舖仲有充電器租借服務，依個服務可以幫到好多，出街手機唔夠電同埋冇帶充電寶既人，除左依一樣，櫃面仲有一樽消毒搓手液俾你用，十分細心，我係其他餐廳或者商場都沒有見到奇異果奶蓋大理石($47)係用新鮮奇異果整成，可以飲到奇異果香甜味，味道較為清甜，有少少碎沙冰，令飲品更加冰凍，配上香滑奶蓋，飲落仲有陣奶香味鮮果冠軍烏龍($50)滿滿一杯鮮果茶，有青提，菠蘿，士多啤梨等唔同種類生果，又得食又得飲，而且生果非常甜，烏龍飲落唔會好苦，有陣茶既清香