鍋卷鳴門 (Closed)

餐廳嘅賣點係新鮮海鮮放題😂 最好玩係可以自己活捉魚缸裡面生猛嘅海鮮🦞蝦蟹好活躍，夾起嘅時候仲係彈吓彈吓，魚缸附近有冰同水，可以冰鎮啲海鮮等佢哋冷靜吓😂 除咗海鮮，餐廳仲有供應大閘蟹、法國生蠔、豬牛雞、刺身、天婦羅、佐酒小食等等🤤🔸貝類🐚有鮑魚、青口、花甲、刀貝、沙白、鑽石貝等，最推介係沙白，鮮嫩、清甜、肉厚、無沙💯 仲有鮑魚，大隻厚肉唔韌💯🔸甲殼類🦀 三點蟹同藍花蟹，細細隻但幾鮮味👍🏻🦐 草蝦同瀨尿蝦，草蝦爽口彈牙，非常鮮甜👍🏻 可惜瀨尿蝦太搶手，一早畀人夾晒食唔到🥲🔸肉類全部牛肉都好食，牛舌切法唔係圓圓一片而係長長一條，口感爽彈😂 牛小排同和牛都好重肉味👍🏻🔸蔬菜類選擇幾多，有羽衣甘藍、油麥菜、娃娃菜、皇帝菜、生菜等🥬🔸飲品及甜品有最好飲嘅玻璃樽裝汽水😂 仲有唔少嘅無糖飲品👍🏻 甜品選擇都唔少，我哋揀咗阿波羅嘅孖條，感覺好懷舊😂🔸其他紫芋栗子薯餅即叫即炸，外脆內軟，栗子甜甜哋🌰🤤 天婦羅同海皇粥都唔錯