芋圓一 (Closed)

大角咀之行又點小得食芋圓一。一路bookmark左好耐終於試到了🤤 佢地呢檔影出來真係超靚！同埋佢地好大碗，食完好飽😂我覺得佢地芋圓唔係好出色，係其他配料表現平均，又吸睛😌-我地分別叫左一碗傳統鮮草芋圓，一碗芋香鮮草芋圓😌 兩碗的料都差唔多，都係有芋圓，鮮草，薏米，珍珠，白玉。但傳統個碗就多左紅豆🥳 講左啲配料先，我覺得全部都做得好好，有佢地應有的口感🤪 白玉珍珠煙韌，薏米煮到啱啱好，仙草好濃味又滑😛 到主角芋圓我反而覺得麻麻地，因為佢比較軟，唔多彈牙煙韌，個口感差左d😣 但佢每粒的味都食到有芋頭蕃薯的味既😉 最尾到個底的汁！我中意仙草多好多，因為佢好清，加上小小黑糖好快就可以ko一碗🤓 但芋香個碗，我個人頂唔順🤯 佢有陣人工的芋頭味，如果你中意個啲芋香珍珠奶茶紫色個隻就會中意😶 我覺得好膩，加上更加甜，佢仲要好杰，食完更加膩😰 所以呢個味我唔推介🙈 -但我覺得呢間真係做得好靚，又大碗。如果係想食好正的配料，就來呢間🤗如果想主攻芋圓，我都係推介我食開太子個間黃店💛