Video
Read full review
2023-12-28
114 views
超級失望嘅一餐。入到去坐窗邊四人位，轉個頭侍應就埋黎話要分台比另外兩個客，心諗聖誕乜唔係一早book好枱預備好㗎咩？仲一早whatsapp話分左兩轉六點同八點比埋deposit，無啦啦分咩枱呢？分完枱勁窄所以跟住就要求調位。調完枱坐低侍應無主動比箱仔比我哋放袋同外套，扣分。跟住俾左啲完全無溫度嘅麵包，牛油少得可憐，食都唔想食。冷盤有青口，蝦同翡翠螺，10分普通酒店自助餐質素。不過呢啲係送嘅唔洗錢，我算。未落單就有個疑似炒散待應送個他他同鵝肝過黎，雖然我想叫呢兩樣啫但係未落單喎，同佢講完佢轉過黎又遞多次過黎，都話未落單囉，粗左。另外有個著西裝嘅哥哥應該係經理，全程無主動過黎幫手落柯打，我咁大聲講完你都零反應，炒散哥同佢又好似零溝通咁，咁嘅服務抵唔抵讚？正式開始頭盤嗌左個紅蝦他他同鵝肝，紅蝦他他個汁勁重梅味完全食唔到蝦味，喺咪啲野唔新鮮先咁整？鵝肝完全冇溫度唔脆面只係僅僅熟，啤梨食得出係現成。跟住嗌左兩個松露蘑菇湯，味道ok都算濃但係又係唔夠熱。意粉就嗌左松露意粉同蝦汁意粉，味道唔錯，意粉都煮得岩岩好，係略嫌蝦汁太多太濃，不過整體黎講意粉係好食。主菜要左和牛朳同牛脥肉。和牛扒要三成煎唔錯，
入到去坐窗邊四人位，轉個頭侍應就埋黎話要分台比另外兩個客，心諗聖誕乜唔係一早book好枱預備好㗎咩？仲一早whatsapp話分左兩轉六點同八點比埋deposit，無啦啦分咩枱呢？分完枱勁窄所以跟住就要求調位。
調完枱坐低侍應無主動比箱仔比我哋放袋同外套，扣分。
跟住俾左啲完全無溫度嘅麵包，牛油少得可憐，食都唔想食。冷盤有青口，蝦同翡翠螺，10分普通酒店自助餐質素。不過呢啲係送嘅唔洗錢，我算。
未落單就有個疑似炒散待應送個他他同鵝肝過黎，雖然我想叫呢兩樣啫但係未落單喎，同佢講完佢轉過黎又遞多次過黎，都話未落單囉，粗左。另外有個著西裝嘅哥哥應該係經理，全程無主動過黎幫手落柯打，我咁大聲講完你都零反應，炒散哥同佢又好似零溝通咁，咁嘅服務抵唔抵讚？
正式開始頭盤嗌左個紅蝦他他同鵝肝，紅蝦他他個汁勁重梅味完全食唔到蝦味，喺咪啲野唔新鮮先咁整？鵝肝完全冇溫度唔脆面只係僅僅熟，啤梨食得出係現成。
跟住嗌左兩個松露蘑菇湯，味道ok都算濃但係又係唔夠熱。
意粉就嗌左松露意粉同蝦汁意粉，味道唔錯，意粉都煮得岩岩好，係略嫌蝦汁太多太濃，不過整體黎講意粉係好食。
主菜要左和牛朳同牛脥肉。
和牛扒要三成煎唔錯，小燶邊，好食。肉汁不過不失，個配菜好差，個焗千層薯完全唔脆，好似溝左好多粉咁，無薯味同出奇地煙韌，紅蘿蔔係白烚食都唔想食，蘆筍雖然都係烚但本身夠嫩可以放入口。雖然配菜好差，又係成碟野都唔夠熱但個扒唔錯所以整體都算ok合格。
牛脥肉本身以為佢會燜到好腍，但食落係有咬口不過未至於痴牙難咬嗰種，本身都可以比佢合格，但個醬汁連佢最後翻身嘅機會都扼殺埋，佢個汁食落係用現成嘅肉醬意粉醬，可能加左啲herps整成，成件事勁濃勁唔夾，最慘係唔夠熱，試幻想將唔熱又濃嘅肉醬意粉醬放入口係咩滋味
最後叫兩個tiramisu，有驚奇！個cream甜得濟，重點係佢放無浸過咖啡嘅嘉頓手指餅！個手指餅吸收左水份後咬落係漿口！呢個新配方係邊位高手諗出黎？真係佩服。
要讚係佢收錢好有效率，未上甜品先收錢，出門口西裝哥喺門口可能為左保持專業形象選擇舉手示意出口而唔幫手開門，呢啲服務邊度搵？
整體而言，服務差，樓面好似零溝通，茶記feel唔專業。食物本身質素感覺係ok但烹調手法唔掂，懷疑大廚或二廚今日放假搵替同like 數，兩位埋單千七蚊人均八百幾（和牛另加百幾）比啲咁嘅服務同食物質素，值唔值請自行斟酌，反正我覺得唔值。
Post