時光雞 (Closed)

今晚屋企無飯開，又要自己一個孤獨食，終於可以食到久仰大名嘅時光雞，外賣返屋企食，快靚正！好，睇吓有咩好食先。外賣包裝乾淨企理夠穩陣，返到屋企依然好完整。甜辣炸雞，件件雞都好有肉地，咬落啖啖肉，外皮炸得超香脆，配埋個甜辣炸雞，超惹味！大泡菜餃子，餃子都係用炸嘅形式去處理，裏面除咗有酸辣泡菜，仲有粉絲肉碎，食落好豐富。流心芝士年糕，我真係好鍾意食韓式年糕，年糕外面甜甜地，嗰種煙煙韌韌嘅感覺，又唔會黏牙，真係好好食。