鯛魚魚湯專門店 (Closed)

本身屋企都住得遠，唔常去鯽魚涌，難得去附近工作，當然要搵啲好野食下啦，行行下見到間餐廳門口排曬隊，好奇睇下原來係食海鮮烏冬，喺店外已經聞到好鮮甜既魚湯味，等左一陣就有得入啦入到去店舖環境唔大，行日式風格裝修，比較簡單。每張枱相隔空間唔遠，但餐廳衛生措施做得幾好，每張枱都有塊膠板隔住，客人都食得安心，仲有單人坐位，方便獨食的客人。食物方面，叫左個招牌菜，鯛魚濃湯鮮蟹湯飯，個湯非常鮮甜，我好憎魚腥味，都可以飲到，我同朋友一向都中意飲魚湯，我地都同時大讚呢這款魚湯，好易入口又順口，最正就係一邊食湯飯、一邊飲湯，好快就食完，隻蟹好大隻都好多膏，食曬都夠飽朋友叫左個吉列豬扒烏冬，份量都算多。手打稻庭烏冬煙韌彈牙，唔會愈食愈淋，豬扒即叫即炸，炸粉唔厚，而且夠大塊，而且即炸同鬆脆，肉質唔韌，配埋沙律醬，真係好邪惡另外叫左小食，係餃子雞翼，食落好得意，雞翼入面有餃子餡，唔會太飽，傾住計食會忍唔住一隻接一隻，野飲經店員推介，叫左兩杯特飲，蘋果樂園同埋紫色夢幻，唔算太甜，岩曬岀面好熱既天氣，紫色夢幻既梳打好透心涼，配合埋下面啲果肉，都幾好味同幾有層次。總括來講，店員態度幾好好，有主動介紹邊款海鮮較新鮮，同