HABO室內釣蝦場 (Closed)

沙田石門區原來有一個咁好玩嘅地方。就喺沙田石門站隔離商場3樓，原來就隱藏咗一個咁舒服嘅釣蝦場。位置喺3樓電梯邊隔離有少少難搵但係個場就好靚，好新好乾淨入邊有兩個蝦池，旁邊有好多魚竿。入邊有超多蝦，經常見到佢哋不停喺度遊來游去。今日係平日夜晚，所以不能找到靚位。我哋都係第一次帶小朋友去學釣蝦，職員好有心機教我哋點樣去玩。仲教我哋好多秘訣添。魚餌係用呢啲白色嘅蝦仔。望落去好似同我哋平時食嗰啲差唔多就連第一次玩的小朋友都可以輕易釣到。搞到啲小朋友勁開心，成日問幾時再去？釣到咁多蝦，當然係要嚟食啦。因為下場主要目的係玩釣蝦，所以原本以為只係會求求其其嘅煮，點知餐廳提供煮法多多有辣有鹹又有甜。新鮮嘅味道出色嘅手法，仲有隻隻大頭蝦。食返自己釣嘅漁獲零舍開心。仲有個場開到夜晚11點，以後放工就有個地方可以慢慢Hea啦。