Video
Read full review
2019-12-12
1150 views
尋晚試咗個大閘蟹自助餐冇團購優惠但佢都做緊信用卡優惠八折再加一後一位成人大約$480感覺都算OK同行朋友有人去過其他酒店食大閘蟹自助餐話有啲好似配給咁要排好耐先攞得一隻但呢度大閘蟹任攞咁劑，不停refill, 完全唔使驚會冇得食我哋每人都食咗至少六隻大閘蟹雖然比較細隻，亦冇自己買嘅咁多膏但係味道都算唔錯，大家都食得好開心另外，鴨肝多士、燒羊架、安格斯牛柳、燒牛肉等熟食都幾好食，我哋都有encore回本必食嘅龍蝦我試咗半條，都算鮮甜，不過有啲乾身，但都算食得過因為我好鍾意食薯格，係自助餐都忍唔住攞咗一舊，雖然好脆，但炸到乾晒硬晒咁，麻麻哋最後甜品都好唔錯，就算超飽我都攞咗兩三轉水果有菠蘿、西瓜、哈密瓜、火龍果，全部都算鮮甜佢有個凍櫃，入邊擺咗好多切好晒細細舊嘅cake其中呢舊朱古力cake（面頭有金箔同忌廉)超好食好濃嘅朱古力味，仲好食過出邊買40幾蚊一件嗰啲蛋糕質地係實實地咁，入邊有榛子，成件cake一啲都唔甜，可惜之後想encore都冇晒椰汁黑糯米幾好食，焦糖燉蛋（好似係抹茶味）正常水準心太軟（黃色匙羹裝住）就麻麻哋，朱古力味唔算濃，亦冇流心（但算軟心）佢仲有幾款芝士蛋糕，但我已經冇
冇團購優惠但佢都做緊信用卡優惠
八折再加一後一位成人大約$480
感覺都算OK
同行朋友有人去過其他酒店食大閘蟹自助餐
話有啲好似配給咁要排好耐先攞得一隻
但呢度大閘蟹任攞咁劑，不停refill, 完全唔使驚會冇得食
我哋每人都食咗至少六隻大閘蟹
雖然比較細隻，亦冇自己買嘅咁多膏
但係味道都算唔錯，大家都食得好開心
大閘蟹
10 views
0 likes
0 comments
另外，鴨肝多士、燒羊架、安格斯牛柳、燒牛肉等熟食都幾好食，我哋都有encore
回本必食嘅龍蝦我試咗半條，都算鮮甜，不過有啲乾身，但都算食得過
因為我好鍾意食薯格，係自助餐都忍唔住攞咗一舊，雖然好脆，但炸到乾晒硬晒咁，麻麻哋
最後甜品都好唔錯，就算超飽我都攞咗兩三轉
水果有菠蘿、西瓜、哈密瓜、火龍果，全部都算鮮甜
佢有個凍櫃，入邊擺咗好多切好晒細細舊嘅cake
其中呢舊朱古力cake（面頭有金箔同忌廉)超好食
好濃嘅朱古力味，仲好食過出邊買40幾蚊一件嗰啲蛋糕
質地係實實地咁，入邊有榛子，成件cake一啲都唔甜，可惜之後想encore都冇晒
椰汁黑糯米幾好食，焦糖燉蛋（好似係抹茶味）正常水準
心太軟（黃色匙羹裝住）就麻麻哋，朱古力味唔算濃，亦冇流心（但算軟心）
佢仲有幾款芝士蛋糕，但我已經冇胃口再食
糖水有木瓜雪耳糖水及楊枝甘露，其中楊枝甘露同行友人食完再encore多一碗
雪糕有Häagen-Dazs，味道有士多啤梨、芒果及桑梅、雜莓、朱古力，不算很吸引
飲品選擇都算足夠，果汁有蘋果汁、西柚汁及橙汁
熱飲有紅茶、熱朱古力（似麥當勞嗰款）同咖啡
紅茶隔離有鮮奶，但如果jar鮮奶有冰住會好啲
最後，想讚下服務態度好好
大部份侍應都有笑容，換碟換得好密，每次換碟前亦會問客人 係唔係食完啦
啲凳全部都自動幫你笠咗椅套保護你件外套（之前睇過某人評酒店自助餐時講過香港好多高級酒店連椅套都冇）
夾大閘蟹同切燒牛肉嘅廚師態度都超好，會同我講幾句咁
雖然佢個場雖然有啲細，裝修有啲舊，食物款式唔算好多，食物嘅名牌都唔係好齊，可以改善
但總括嚟講食物水準都唔錯，比想像中有驚喜，食得都算開心
Post
