木船泰國粉麵專門店 (Closed)

呢間餐廳好似開咗唔係好耐，喺門口見到餐牌，忙完發覺啲小食超級平，每款都只不過係10幾廿蚊，所以即刻入去試吓。小息我叫咗芝士磨菇雞翼同埋泰式春卷。雞翼去咗骨，入面釀咗芝士同蘑菇，外面好香脆，雞嘅油份再加上蘑菇同芝士嘅香，非常惹味非常邪惡，$26有兩隻其實都幾抵。泰式春卷，$13有三條，佢個皮唔同平時嘅春卷皮，係類似豬網油，有好多個窿，所以食落去非常之香脆酥化，非常推薦。軟殼蟹魚柳青咖喱飯，呢個主食就麻麻哋。都係小食比較抵食又好味。