新景園咖喱小廚

Open Now

Now Closed

哩到既招牌菜🐷我諗大家都略有所聞，今日遠道而來就為左試試佢。原本都預左會排長龍，但無諗過排到兩點幾人潮都未散，好彩一支公比較容易入座🤪。咖喱豬扒飯 $85咖哩比想像中稀同有辣勁🌶，我幾鐘意哩種咖哩味、椰味🥥、辣味都齊集既港式咖哩🍛。仲要有我最鐘意既薯仔🥔，不過煮得唔算入味，但夠軟綿搭救。講返另一個主角炸豬扒🐷，炸得好香脆，炸皮又薄，唔會甩晒皮。而且食得出豬扒醃得好入味，肉質非常鬆軟🥩，軟到好似食緊肉餅嗰種質感咁，不過我個人就鍾意豬扒紮實返少少就好。不得不讚員工態度都好好，令人感覺好舒服。即使冇傳聞中咁大份，細食嘅女仔👭🏻絕對可以兩個人share，不過佢個豬扒咁好食，令人食極都唔想停🤣。