十十川滬料理 (Closed)

今次試下食呢間嘅酸菜魚火鍋，佢地仲有得任食小籠包！🤤入座後每枱可以揀一款茶飲，唔使額外加錢。火鍋總共有七款湯底揀，我地就揀咗酸菜魚同水煮魚湯底。水煮魚湯底唔算好辣，幾啱唔食得辣嘅人🤣。不過酸菜魚湯底就偏淡，酸味都唔係好濃。魚肉都幾嫩身，但份量就唔係好多。火鍋加48蚊有得任食30多款火鍋配料，原味小籠包，仲有黑糖珍珠豆漿🤤。火鍋配料正正常常，肥牛都係急凍個隻黎😂。可以自己叫寬薯粉放落鍋度煮，仲有得叫擔擔麵同上海粗炒。不過我最期待就係佢個任嗌嘅小籠包🤤。雖然佢細細隻，皮好薄身，但個餡好足料，爆多汁！上菜個時仲要係熱辣辣，有驚喜到！不過火鍋只係任食90分鐘，所以都有啲趕。個人建議火鍋配料唔使叫太多，留肚食小籠包都回到本🤣！埋單每人都只係$160，都幾抵食嘅👍🏻。