日和号壽司料理 (Closed)

日和号壽司料理九龍灣宏照道38號Megabox 10樓5號舖今晚收工約左朋友去Megabox睇戲，開場前當然要醫飽個肚先啦。。呢個場都幾多餐廳，可能我地係平日既夜晚，大部份餐廳都唔使點等位，最後我地行到10樓就比呢間日本料理吸引左，離遠已經見到好大個火車頭，非常吸睛，所以就決定入黎試下見到meun既選擇都幾多，最驚喜就係成個餐牌入面所有刺身同壽司都做緊半價優惠，真係岩晒我心意，最鐘意就係食壽司架啦首推必食既一定係海膽軍艦，淨係見到個色澤已經知道好新鮮，而且份量都算多，入口完全唔會覺得腥，淡淡地既海水味，食完勁想Encore黎多碟呀。。。而另一份香蔥吞拿魚腩軍艦都唔好錯過，本身吞拿魚腩就已經好好味，鋪滿晒整個軍艦，再係上面灑d芝麻，口感真係一流呀另外，火炙壽司亦都係我嘅favorite, 呢到做得唔錯，我地試左火炙左口魚邊壽司，火炙鱈場蟹棒壽司都好出色，但大推既一定係胡麻醬火炙帆立貝壽司，帆立貝非常大粒夠晒份量，原來配合埋胡麻醬係咁夾，值得推介刺身我地都試左幾款，分別係三文魚，吞拿魚，油甘魚同埋帶子，感覺都幾新鮮既，好厚切，擺盤亦非常靚，好適合用黎打咭呀