Mee...lemongrass (Megabox) (Closed)

有陣時都會嚟到九龍灣公司呢邊開會，好多呢邊嘅同事都話平時食lunch會去MegaBox嗰度搵好嘢食，而MegaBox 11樓就有一間叫mee lemongrass的泰國馬來西亞餐廳，個個食過都讚口不絕。今日就嚟呢度食個下午茶，原來下午茶仲抵食呀，同同事一人揀咗一個餐，一個係招牌無骨海南雞飯，個飯會跟埋一碗例湯同埋一碟青菜，份海南雞望落去好新鮮，食落去亦都好滑溜很香，同埋呢個飯呢系一個雞油飯大大碗好正，再配返芝士珍珠鮮奶，簡直係絕配呀。另一份揀左Mee招牌喇沙，裏面的菜料有大蝦蟹柳魚蛋豆粕等等，喇沙味道亦都很正宗，真係有豐富又好味呀。我們再點多份香芒椰汁糯米飯，賣相好似壽司一樣，一舊飯團上面放了大大塊香芒，糯米飯超級煙韌，芒果亦都夠新鮮，果然亦都係一個招牌嘅菜式啊。兩個人食咁多野買單都係$200 ，真係抵食好味呀。