Video
Read full review
2021-02-23
928 views
同朋友喺旺角行完街之後想搵啲嘢食，於是走咗去女人街望吓，見到呢間舖頭嘅下午茶價錢真係嚇一跳，竟然仲係我中學時候出去食飯既價錢，見啲野食好似都唔錯，就決定入去試下。入面人流都幾多，所以要等左陣先有位。不過佢裏面啲枱好密，坐嘅位置都比較窄，坐得唔係咁舒服。餐牌上面嘅選擇都幾多，而且下午茶套餐勁抵，最平只係30幾蚊，就可以叫到一個主食加湯、多士同飲品。🎈羅宋湯及多士佢嘅羅宋湯蔬菜都幾多，而且味道都濃，算係唔錯。但係佢嘅多士就整得好乾，咬落口好似食餅乾咁，都幾脆既😅🎈卡邦尼長通粉店員話冇晒長通粉嘅關係，幫我哋轉左做意粉。呢個意粉嘅份量幾多，但係味道比較淡，蛋味較突出，煙肉嘅份量唔多。🎈鐵板牛仔柳配蛋沙律焗薯佢嘅牛肉已經切開一粒粒，所以幾方便食，但係味道就真係好普通，反而個焗薯算係唔錯，有蛋黃醬同埋雞蛋碎，但係食到落底就會乾咗少少。整體來講，哩間餐廳算係幾抵食，但係一分錢一分貨，你預咗佢咁平嘅話，味道都唔會真係去到好好，不過都算係一個平價嘅下午茶選擇嚟嘅。
入面人流都幾多，所以要等左陣先有位。
不過佢裏面啲枱好密，坐嘅位置都比較窄，坐得唔係咁舒服。
餐牌上面嘅選擇都幾多，而且下午茶套餐勁抵，最平只係30幾蚊，就可以叫到一個主食加湯、多士同飲品。
🎈羅宋湯及多士
佢嘅羅宋湯蔬菜都幾多，而且味道都濃，算係唔錯。
但係佢嘅多士就整得好乾，咬落口好似食餅乾咁，都幾脆既😅
38 views
0 likes
0 comments
🎈卡邦尼長通粉
店員話冇晒長通粉嘅關係，幫我哋轉左做意粉。呢個意粉嘅份量幾多，但係味道比較淡，蛋味較突出，煙肉嘅份量唔多。
30 views
0 likes
0 comments
🎈鐵板牛仔柳配蛋沙律焗薯
佢嘅牛肉已經切開一粒粒，所以幾方便食，但係味道就真係好普通，反而個焗薯算係唔錯，有蛋黃醬同埋雞蛋碎，但係食到落底就會乾咗少少。
26 views
0 likes
0 comments
整體來講，哩間餐廳算係幾抵食，但係一分錢一分貨，你預咗佢咁平嘅話，味道都唔會真係去到好好，不過都算係一個平價嘅下午茶選擇嚟嘅。
Post
