小麻吉滷肉飯 (Closed)

最近好想買對波鞋，就收工去咗旺角波鞋街睇下有無啱心水，不過太肚餓就約埋個FD食咗野先，經過見到間黃色招牌都幾搶眼既餐廳，就去望下餐牌食咩，點知原來係食我個FD最鍾意既台灣野，就二話不說入去醫肚餐廳裝修都幾有台灣特色🇹🇼，同埋都好乾淨舒服👍🏻見佢餐牌大滿足定食，諗住咩都有少少，就試下，主食揀咗鹽酥雞滷肉飯，滷肉甜甜地，滷肉半肥瘦岩岩好，而鹽酥雞好酥脆，雞仲有少少肉汁添小食有得再揀炸餃子，另外仲附送小香腸、青瓜，真係超級豐富，唔怪得叫大滿足另外叫埋綜合滷味拌麵🍜，麵揀咗新竹米粉，一上枱好大碗，米粉底分量超足 我諗兩個人分應該都夠食仲有好多配料，分別係豬耳、豬大腸、雞翼尖、甜不辣同餃子，滷味真係好入味，配埋米粉啲滷水汁，真係超正另外仲有好多小食，樣樣都好吸引，不過真係太飽，只係叫一個紅豆手抓餅🌮，估唔到有驚喜，手抓餅好酥配埋紅豆蓉都真係幾夾最後飲品跟餐叫咗烏梅汁、冬瓜茶另加仙草，烏梅汁酸酸甜甜好開胃，而仙草冬瓜茶係超清涼之選🥤🥤整體呢間餐廳性價比勁高，一定Mark 低同FD下次再幫襯