千府·居食屋 (Closed)

前排去左何文田報名，臨走前去左附近既千府·居食屋買外賣返去食。由於我好中意食日本壽司，見到價錢幾抵食，所以就買左兩個set試下先。迷你蟹肉丼：蟹肉差不多佈滿整個飯格上，仲有適量既蟹籽、紫菜碎伴住黎食。味道幾鮮味，尚有甜味，加上蟹籽可加添口感！迷你角切魚生丼：角切魚生份量可接受，每粒大小適中，當中包括三文魚、吞拿魚、帆立貝、蛋、青瓜。味精充滿左魚鮮味，又有清新爽口感覺！兩個丼飯更配有白蘿白、酸薑、西瓜，所以食起黎吾會得丼飯甘單調，值得一讚！而且外賣盒分左區域，令外觀上加足分！另外，套餐會跟2件三文魚刺身及2件帶子刺身。兩款刺身好厚，食落特別有口感，亦帶鮮甜味啊！壽司拼盤(5件): 三文魚、赤身、深海池魚、墨魚、赤蝦。每款壽司上面既刺身吾會太薄，五件亦有魚鮮味，絕對吾怕腥怕臭。火炙壽司拼盤(5件): 三文魚、熟蝦、玉子、鰻魚、左口魚。如果吾想再食生壽司既話，就可以揀依個拼盤。每款火炙壽司幾香口，特別系玉子味道甜甜地，火炙三文魚入口即溶。飲品: 有紙包飲品/汽水揀。