令和居酒屋

Open Now

Now Closed

上次試左尖沙咀既令和鍋物酒場，今次再戰旺角分店，同樣出色，價廉物美。香箱蟹黃金粥新鮮既香箱蟹，蟹黃夠鮮美、粥的綿滑，食落好濃郁。清酒雜菌蠔鍋 （可另加$98 日本和牛）成枝清洒擺係客人加落去，清酒的香氣覆蓋成個蠔鍋，湯底酒味加埋蠔鮮，暖胃及好食，蠔既份量同SIZE都好大，都係$98，加埋$98和牛，大滿足。串燒拼盤有雞皮、雞翼、雞軟骨、大串豚肉串、金菇牛肉串、秋葵、大蔥和冬菇。雞皮好香脆，金菇牛肉串好JUICY，有咬口。自家釀製的梅酒酸甜適中，入口容易，配串燒一流。以日本菜黎計，性價比好高，人均都係$250左右。