Video
Read full review
2019-01-24
682 views
又係大埔覓食既時間喇！之前一直都想食呢間台式餐廳，同埋試下佢既鬆餅，咁岩今日又黎大埔，就入左黎，順便食埋晚餐。未打開menu，已經見到草莓鬆餅做緊 Promo喇，於是就毫不猶豫咁揀左草莓鬆餅黎做今日既飯後甜品。揀完最吸引既甜品，當然要揀番主餐喇，原來呢度除左有套餐之外，仲有常餐可以揀。所以我同個fd一人簡左一種黎食，我就揀左常餐，而個fd就叫左個肉燥飯套餐，再揀左d小食同埋飲品。首先到既就係我既肉燥米粉喇，因為係常餐，當然仲有配埋香腸、荷包蛋同埋烤多士喇！烤多士表面脆脆，加上熱辣辣既荷包蛋，咬落去蛋汁咇出黎。果然係常餐必定要有既組合。肉燥米粉吸湯能力好強，由一開始係肉燥同米粉分離，到最後邊撈邊食，好香口。之後就係fd既炸雞翼肉燥飯套餐喇，有三隻炸雞翼。為食既我拎左一隻黎試，雖然佢無台灣夜市常見既椒鹽粉，但係由於佢炸得好脆，而脆皮唔係油淋淋既味道，加上就係因為無加椒鹽粉，更加食到雞翼本身既味道同埋肉汁，無落椒鹽粉絕對係加分點！套餐到左之後，陸陸續續小食都上到黎。我地叫左兩款小食，一款係炸豆腐，另一款係炸燒賣。兩款炸物，同樣都係可以沾辣醬，而且同炸雞翼一樣都係外皮非常脆。炸豆腐入面既豆腐中
之前一直都想食呢間台式餐廳，同埋試下佢既鬆餅，
咁岩今日又黎大埔，就入左黎，順便食埋晚餐。
未打開menu，已經見到草莓鬆餅做緊 Promo喇，
於是就毫不猶豫咁揀左草莓鬆餅黎做今日既飯後甜品。
揀完最吸引既甜品，當然要揀番主餐喇，
原來呢度除左有套餐之外，仲有常餐可以揀。
所以我同個fd一人簡左一種黎食，
我就揀左常餐，而個fd就叫左個肉燥飯套餐，
再揀左d小食同埋飲品。
常餐 - 肉燥米粉
$50
23 views
0 likes
0 comments
首先到既就係我既肉燥米粉喇，
因為係常餐，當然仲有配埋香腸、荷包蛋同埋烤多士喇！
常餐 - 肉燥米粉
$50
17 views
0 likes
0 comments
烤多士表面脆脆，
加上熱辣辣既荷包蛋，咬落去蛋汁咇出黎。
果然係常餐必定要有既組合。
常餐 - 肉燥米粉
$50
24 views
0 likes
0 comments
肉燥米粉吸湯能力好強，
由一開始係肉燥同米粉分離，
到最後邊撈邊食，好香口。
酥炸雞翼肉燥飯
$59
19 views
0 likes
0 comments
之後就係fd既炸雞翼肉燥飯套餐喇，有三隻炸雞翼。
為食既我拎左一隻黎試，
雖然佢無台灣夜市常見既椒鹽粉，
但係由於佢炸得好脆，而脆皮唔係油淋淋既味道，
加上就係因為無加椒鹽粉，更加食到雞翼本身既味道同埋肉汁，
無落椒鹽粉絕對係加分點！
套餐到左之後，陸陸續續小食都上到黎。
我地叫左兩款小食，
一款係炸豆腐，另一款係炸燒賣。
兩款炸物，同樣都係可以沾辣醬，
而且同炸雞翼一樣都係外皮非常脆。
炸豆腐入面既豆腐中和左經過炸既外皮既油膩感，
不過最令我驚喜既居然係炸燒賣。
炸燒賣
$16
4 views
0 likes
0 comments
平時燒賣係蒸為主，
但原來燒賣經過一炸，會係咁好食。
椰香珍珠、芋香珍珠 (跟餐+$4)
19 views
0 likes
0 comments
跟住就係我地既台式飲品，
我地叫左一杯芋香珍珠，另一杯係椰香珍珠。
椰香珍珠同芋香珍珠都同樣好香甜，
珍珠既口感都非常Q彈，
特別係芋香珍珠第一啖飲落去有種食雪糕既感覺。
最後亦都係最重要一直想食既，
就係草莓鬆餅喇。
草莓鬆餅
$48
24 views
0 likes
0 comments
草莓鬆餅好fluffy，好鬆軟，
上到枱面既時候，忍唔住搖下隻碟，
望住佢搖下搖下咁好得意。
草莓鬆餅
$48
9 views
0 likes
0 comments
食落去好似棉花糖咁入口即溶。
由於佢有兩層，所以食既時候唔會覺得啖啖空氣，
而係可以食到鬆餅本身既香味。
出面好多鬆餅賣既價錢都好貴，
呢度相對上非常平民價，
而且款式都好多，除左草莓鬆餅之外，
有一款都非常吸引我，就係珍珠鬆餅。
不過今次叫左咁多野，真係超飽肚，
唯有下次黎再食喇！
Post
