Casa Di Thali (Closed)

朋友話想食呢間係大角咀既"Casa Di Thali"，係食印度菜fusion 菜。呢邊既大角咀我地好少黎，好衰openrice mark 錯個位置😩，我地行左成大個圈又問人先見到。如果大家要搵就google map 直接打餐廳名。Casa di Salad羽衣甘藍好新鮮好嫩，仲有脆脆既鷹嘴豆、芝士、青瓜、蕃茄仔，配埋酸酸地汁，好開胃。Meatballs 🐷🐐我好鐘意食羊，見到呢個肉丸係羊肉同豬肉整，即叫黎試。有羊肉香但唔會太騷，個自家制既蕃茄汁同肉丸好夾。😋扁意粉大蝦彈牙，醬汁香濃，掛哂落意粉度。呢度有得揀無麩質意大利粉同薄餅，生酮人士都啱黎食。印度傳統午餐跟3款咖喱，有辣啲既，有creamy 啲既，配飯好正。朱古力意大利芝士餅Chocolate Tiramisu呢Tiramisu 好味，好creamy好滑，個咖啡味好濃，又大杯，夠哂兩個人食。左邊呢杯百香果閃耀，好清新，有百香味、青檸香，仲有椰子既清甜。好鐘意個杯呀。