Video
Read full review
2018-06-21
642 views
食到間好正嘅餐廳😍由餐廳裝修、服務到食物都係幾高質嘅感覺，係好有格調嘅一間西餐廳，令人超有feel的💜.因為我同朋友都唔算好肚餓，所以決定叫一個set加一個小食share食就ok🙈Set dinner平均一份係$2xx-$3xx，有湯有前菜有主菜有甜品。或者好似我地咁，可以單點主菜，然後加$78轉佢做餐😁價錢方面，À la carte再加錢轉餐就會比Set dinner稍貴一點點吧。.芝士薯條真係好正好正😍😍雖然同行朋友形容薯條本身係「冇價值嘅嘢」🙄，但其實往往最簡單嘅食物係最吸引人的🤤薯條淋上咗滿滿嘅芝士 🧀🤤薯條份量超多，餐廳亦都好細心咁每層薯條都有淋上芝士，唔係正係喺面淋兩吓就算㗎🤤不過芝士會搞到啲薯條腍咗啲，但今次難得係我覺得腍咗嘅薯條都好好食😂加咗20蚊要黑松露醬，有成大pat黑松露😏雖然本身芝士同薯條已經係perfect match，但薯條點黑松露醬都好夾😆所以本身隨薯條附上嘅茄汁我係完全冇郁過😂.平時食西餐都係食牛扒/雞/魚，今次一於試吓啲平時少叫嚟食嘅，例如就係西班牙烤乳豬🇪🇸🐷西班牙烤乳豬Set dinner冇的，係À la carte，order完要約等45分鐘。乳
由餐廳裝修、服務到食物都係幾高質嘅感覺，係好有格調嘅一間西餐廳，令人超有feel的💜
.
因為我同朋友都唔算好肚餓，所以決定叫一個set加一個小食share食就ok🙈
Set dinner平均一份係$2xx-$3xx，有湯有前菜有主菜有甜品。
或者好似我地咁，可以單點主菜，然後加$78轉佢做餐😁
價錢方面，À la carte再加錢轉餐就會比Set dinner稍貴一點點吧。
.
芝士薯條真係好正好正😍😍
芝士薯條
$78
33 views
0 likes
0 comments
雖然同行朋友形容薯條本身係「冇價值嘅嘢」🙄，但其實往往最簡單嘅食物係最吸引人的🤤
薯條淋上咗滿滿嘅芝士 🧀🤤
薯條份量超多，餐廳亦都好細心咁每層薯條都有淋上芝士，唔係正係喺面淋兩吓就算㗎🤤
不過芝士會搞到啲薯條腍咗啲，但今次難得係我覺得腍咗嘅薯條都好好食😂
加咗20蚊要黑松露醬，有成大pat黑松露😏
雖然本身芝士同薯條已經係perfect match，但薯條點黑松露醬都好夾😆所以本身隨薯條附上嘅茄汁我係完全冇郁過😂
.
平時食西餐都係食牛扒/雞/魚，今次一於試吓啲平時少叫嚟食嘅，例如就係西班牙烤乳豬🇪🇸🐷
西班牙烤乳豬
$288
26 views
0 likes
0 comments
西班牙烤乳豬Set dinner冇的，係À la carte，order完要約等45分鐘。
乳豬皮薄脆(但冇平時我地去飲嗰種中式乳豬咁香脆)。脂肪唔多，薄脆嘅乳豬皮下有好多肉，所以食落冇中式乳豬咁油膩。豬肉唔鞋，整體幾好😄
乳豬配酸椰菜食又得，又或者點酸酸哋嘅乳豬醬食又得😆👏🏻
整體份量都比我想像中多，乳豬底下仲有層厚薯蓉墊住㗎。好彩唔係要一個人食哂一份😂share食先得掂。
.
好想特別多謝餐廳送多碗餐湯俾我地😹😹
我地本身加咗48蚊轉餐湯做龍蝦湯，但可能餐廳見我地2個人share一碗湯太慘😹跟住上龍蝦湯時，話拎多咗碗餐湯俾我地🙈🙈餐湯係南瓜湯。
兩款湯都好香濃😆南瓜湯好香甜，好似真係飲緊啖啖南瓜糊咁😛；龍蝦湯就會重口味少少，飲落都鮮甜，但其實轉龍蝦湯要再加48蚊係絕對唔平🙈。
.
話說餐包都好好食，外層好脆，但食落麵包入面又好鬆軟。
前菜可以揀帝王蟹餅配蛋黃芥末醬 或 忌廉芝士茄子卷。我地揀咗蟹餅。
帝王蟹餅配蛋黃芥末醬
20 views
0 likes
0 comments
蟹餅真係好充料，每啖都係絲絲蟹肉，蟹餅表面煎到好香，好食呢。
跟餐甜品可以選香蕉布甸或麵包布甸，甚至可以加$48要朱古力心太軟。
我地揀咗香蕉布甸，估唔到幾有驚喜！
香蕉布甸
12 views
0 likes
0 comments
香蕉布甸望落係啡啡地色，但食落係濃郁天然嘅香蕉味，好似食緊好軟滑好冰涼嘅creamy香蕉蓉咁🍌好好食😂
好滿足嘅一餐呢，由頭到尾都冇令人失望嘅地方🙈
.
總括真係一間俾你感覺非常好嘅餐廳，餐廳侍應們都好nice好好態度😆
同埋佢地真係好細心，會留意你有乜需要同埋幾時食完一樣嘢，然後先上另一樣食物。
我本身好怕啲嘢食一吓子嚟哂，又影唔切(👈🏻😂)又食唔切，然後攤到凍哂🙈
隔離枱叫2個Set dinner，侍應都會問佢地係咪share食，係就一個個輪流上😄
我覺得真係好啱情侶嚟，特別係慶祝生日/紀念日等等💕
.PS 餐廳外面而家有裝修，所以餐廳完全俾棚架圍住、遮住，連招牌都睇唔到🙈好彩朋友細心搵到呢間餐廳😆
Post
