616牛肉火鍋專門店 (星峰薈) (Closed)

📍 好耐都無嚟食616了，最記得佢嘅湯底同埋秘製牛肉醬汁都好好食，而家仲做緊晚市時段有八八折好抵！🍴鴛鴦沙牛湯底 $82 心目中616嘅皇牌湯底！牛骨清湯好清甜，個底仲有蘿蔔同埋軟熟嘅牛腩，另一邊就揀咗沙嗲湯底，呢個就相反，係好濃郁同埋個底有大量花生炸蒜，撈公仔麵烏冬嗰啲就最夾！🍴特選和牛盛 $274餐廳做緊信州和牛推廣套餐，個set另外會送一碟澳洲五花趾。和牛套餐入面包咗信州和牛赤身、信州和牛羽下肉、信州和牛胸肉，見到都係日本直送，入口真係好軟滑即溶。🍴匙柄 $48食完和牛都想嗌返份瘦啲嘅牛肉食，所以就叫咗匙柄，瘦得嚟又重牛肉味。🍴鮮製手打烏冬 $18本身諗住叫一份公仔麵，但係見到有餐廳自家製嘅手打烏冬就試吓，佢唔係急凍所以淥好快就已經食得，口感帶煙靭。