珍一料理 (富榮大廈) (Closed)

行過見好多人等緊拎外賣咁，行過去八下先，原來係小菜外賣店。都幾多野揀喎，牛、豬、雞、素菜等，有辣有唔辣，有涼盤亦有熱食。好似幾好味咁叫幾樣試下先，比完錢姐姐就去夾入盒，夾完仲會去磅下，包保足秤。點左兩款豬同一盒雞，全部都要辣的。圓盒呢個係椒麻雞，要左半隻份，入面就係雞同少許花生，無其他野墊底㗎。雞件很入味，又香又麻，連雞骨都入晒味好正，雞肉一絲絲有咬口又唔鞋，越食越過引。另外兩盒望落差唔多樣嘅都係豬類，呢盒係麻辣豬肚條，豬肚切粗條，軟腍得黎有咬口，煙煙韌韌的。另一盒係爽脆豬耳絲，豬耳正如其名又爽又脆，口感很不錯。兩款味道差不多，因為都係揀左川麻料理系列入面嘅，味道係又麻又辣，辣得黎係鮮味，唔係一味死辣㗎，食落會上引呢。價錢唔貴份量足，無用配菜墊底已經抵讚啦。