鍋匠中日火鍋專門店 (Closed)

前幾日係IG上面見到呢間火鍋店有和牛食，又做緊推廣首２０位半價，咁就約埋班ＦＤ一齊去試下伏唔使啦。一行六人，去到都唔使點等位，可能５：３０ＰＭ太早啦，等左５分鐘左右就入得。坐低無幾耐待應就埋黎問食邊個餐同揀邊個湯底。我地六個都有半價，梗係揀最貴果個啦，原價＄４６８，半價＄２３４！！！呢度得３個餐揀，＄２９８、＄３２８、＄４６８。最貴果個餐就可以食晒全部既牛肉，日本Ａ４，澳洲Ｍ７同美國ＳＲＦ和牛。我地最後揀左果個芝士湯，都幾香芝士味。揀完湯底之後，待應就送上３款小食，炸三文魚皮，花膠湯同蔬菜條。其他就睇圖啦。最後最估唔到係榴槤雪條，真心好味。