鼎記 (Closed)

成日經過呢間餐廳成日都想試今日終於有機會啦～首先一定要講個老闆超好人好nice😂叫左幾個餸，首先一定要講佢既叉燒！超超超好咪！去食一定要試。外脆內軟而且味道入晒肉到！超正。之後就係胡椒豬肚雞煲，好好飲！胡椒豬肚雞煲係用農岡雞，每日新鮮供應從不用急凍或冰鮮既雞！雞入口好鮮嫩。唔會話好老。再叫左個 魷魚蒸肉餅，老闆話佢地每日用新鮮豬肉唔會用凍肉或者過夜，平時係出面街我從黎唔食肉餅類，但聽老闆極力推介就叫左，哇，一試果然唔同，傾傾下就知呢間餐廳係好良心餐廳，極力想做好，唔會因為慳錢而唔會冇左質數。由於肉餅太好食忘記影相，但極力推薦🤩我一定會再去食！帶埋朋友屋企人！因為睇得出呢間餐廳好好好用心。而且啲野食真係好好食！一定要試叉燒！呀！仲有佢腐乳菜都好食！啲腐乳好濃唔會好似出面咁啲腐乳係希既！正正正呀！