三希樓 (Closed)

川鹵鴨舌 融合咗潮州嘅鹵水同埋四川嘅麻辣 鴨舌滷得好入味 食得出入面有好多香料嘅味道 最後仲有麻辣嘅香味 層次感豐富仲有呢個鴨舌係原條嘅鴨舌 有埋喉嚨椗 係我鍾意食嗰種……一碟有好多條 非常抵食避風塘豉椒炒大蜆炒得夠曬鑊氣 豉椒嘅味道非常香濃 大蜆炒得剛剛熟 肉質夠曬嫩滑 鮮甜無比 隻隻都好大粒肉 而且冇沙架晚市時段竟然有點心嘅出現 極品流沙包這個非吃不可 輕輕一搣開 內裏嘅流沙奶皇已經要湧出來 奶黃味好香好滑 完全是流心的效果 最緊要襯熱食 不過要小心辣親個嘴棗茸千層糕賣相好靚好得意 成粒星星咁 口感煙韌有彈性 味道唔會太甜 剛剛好細心啲睇 有一層一層架 確實是心機點心 人手製作 相當考功夫及功架川芎天麻燉野生大魚頭湯 自己就真係唔識煲 呢排飲湯比較少 一於叫返盅飲下先個湯好鮮味 而且好清 相信燉嘅火喉應該唔惹少 而且材料豐富 肉眼見到有魚頭 ,一些中藥及肉類...飲完即刻覺得有養顏嘅效果