黑木亭-お食事処 (玉成大廈) (Closed)

😻之前食過天后分店覺得唔錯，知道元朗都開咗新分店，梗係要試下啦！呢度環境唔算好大，日式裝修設計，氣氛都唔錯，仲有卡位坐得好舒服！🦪海產細味六杯蠔（$199）最鐘意呢個生蠔，賣相打卡一流！配搭三款唔同醬汁，有泰式、日式、雞味酒醬汁，全部都好鮮甜好正！🍣常滿卷（$298）色彩繽紛既卷物，有三文魚、帶子、吞拿魚、大蝦、配搭新鮮豐富，仲有大量三文魚籽，食得出廚師嘅用心！🍤雜錦炸物拼盤（$168）有吉列蠔、炸蝦、雞軟骨、炸雞塊同薯條，全部都卜卜脆，點上醬汁真係食唔停口呀！🍢串燒試咗燒波蘿、鴛鴦翠玉瓜，特別推介燒雞翼，外皮焦脆，辣辣地好惹味呀！