Video
Read full review
2021-11-22
50 views
天氣一開始凍特別想食雞煲，再來一煲雖然位處我成日去嘅雞地食街，但轉咗入小巷平時我冇為意，如果唔係朋友食完大力推介，我都唔知有一間咁正嘅雞煲喺度，今個冬天可以成日去喇！今次雖然我哋得兩個人食，但都叫咗一隻全雞嘅雞煲，因為我深信朋友講到咁好食，我一定食得晒 😆 雞煲辣度選擇有：走辣、BB辣、小辣、中辣、大辣、變態辣，平時我都鍾意食辣，但呢度嘅雞煲賣點係印度魔鬼椒變態辣，最高辣度有1,041,427 SHU，所以保險起見我今次就揀咗第3級別嘅小辣，同時亦可試真啲個雞煲有幾惹味！雞煲嚟到，已經見到隻雞好大隻好多肉，雞煲醬料食落都真係幾辣，但配合獨門香料秘方好香好惹味，佢完全冇麻辣成份，而係秘製香辣，第一次食到呢隻味，非常正！我哋加咗一份花膠，花膠吸晒雞煲辣汁炒香後唔只有嚼勁口感一流，仲完全可以食到晒個辣汁有幾惹味，呢個配搭真係一絕，只要唔抗拒食花膠嘅話都一定必試。食完雞煲就打邊爐，呢度服務好貼心，除咗有專人幫你炒雞煲，打邊爐中段仲會嚟幫你撇油，都幾好服務。手打蝦滑好彈牙，食得出蝦肉好足料，魚皮同響鈴都炸得好脆好新鮮，另外蔬菜選擇都幾多，我哋叫咗時令嘅萵筍。牛嘅選擇都有九款，聽講拼盤同封門柳好受
招牌雞煲（一隻）
0 views
0 likes
0 comments
今次雖然我哋得兩個人食，但都叫咗一隻全雞嘅雞煲，因為我深信朋友講到咁好食，我一定食得晒 😆
招牌雞煲（一隻）
4 views
0 likes
0 comments
雞煲辣度選擇有：走辣、BB辣、小辣、中辣、大辣、變態辣，平時我都鍾意食辣，但呢度嘅雞煲賣點係印度魔鬼椒變態辣，最高辣度有1,041,427 SHU，所以保險起見我今次就揀咗第3級別嘅小辣，同時亦可試真啲個雞煲有幾惹味！
雞煲嚟到，已經見到隻雞好大隻好多肉，雞煲醬料食落都真係幾辣，但配合獨門香料秘方好香好惹味，佢完全冇麻辣成份，而係秘製香辣，第一次食到呢隻味，非常正！
招牌雞煲+花膠
4 views
0 likes
0 comments
我哋加咗一份花膠，花膠吸晒雞煲辣汁炒香後唔只有嚼勁口感一流，仲完全可以食到晒個辣汁有幾惹味，呢個配搭真係一絕，只要唔抗拒食花膠嘅話都一定必試。
食完雞煲就打邊爐，呢度服務好貼心，除咗有專人幫你炒雞煲，打邊爐中段仲會嚟幫你撇油，都幾好服務。
手打蝦滑及萵筍
4 views
0 likes
0 comments
手打蝦滑好彈牙，食得出蝦肉好足料，魚皮同響鈴都炸得好脆好新鮮，另外蔬菜選擇都幾多，我哋叫咗時令嘅萵筍。
本地手切牛
7 views
0 likes
0 comments
牛嘅選擇都有九款，聽講拼盤同封門柳好受歡迎，但我就揀咗手切本地牛，因為真係好耐冇食過喇，質素都唔錯，$188一碟都算物有所值。今次全隻雞煲同啲餸都俾我哋清晒碟，大家都捧住個肚，證明今餐真係好食嘅。
本地手切牛
7 views
0 likes
0 comments
食完雞煲同牛之後，我哋都已經講定下次要約多幾個朋友再嚟，到時食夠$1200 仲會免費送一碟安格斯封門柳，再加個有8款牛嘅牛魔王拼盤，大家就可以食多幾款牛啦。
脆炸響鈴及炸魚皮
5 views
0 likes
0 comments
大大杯凍檸茶
7 views
0 likes
0 comments
飲品方面，提提大家呢度嘅招牌名物係大大杯凍檸茶（隻杯好似生啤杯咁大隻），啱晒食雞煲同打邊爐。
Post
