Video
Read full review
2016-07-10
184 views
上次gathering呢去左附近嘅火鍋店食完，經過呢一間cafe， 咁見到啲食物覺得都幾吸引 ，環境又舒適 ，就諗住會再返嚟幫襯嘅， 咁今日咁啱又喺附近就決定來度食喇。食物方面啦，既然係叫cafe嘅,就當然係以輕便啲嘅light food同埋西式化的食物為主。 例如有all day breakfast， 牛角包餐，waffles…… 其實真係好啱時下年青人去。 同埋唔知係唔係呢間餐廳新開張啦， 食完覺得啲食物都ok但係又唔算太多人咋喎， 都不失為一個傾計聚腳好地方~~消暑嘅飲品就最啱而家熱辣辣嘅天氣啦！ 平時好少飲凍飲嘅我都忍唔住來一杯藍莓奶酪。 出咗嚟成杯子紫紫地色咁好靚呀！味道方面 ，會taste到好清新嘅藍莓味， 味道好濃郁但係唔會太甜，我幾鍾意。食物方面， 我點了期間限定的龍蝦潛艇配龍蝦湯及 薯條~潛艇原來是牛角包。整個餐看起來都好豐富，有湯有包有一堆薯角，不過個牛角包就好似份量細件左啲，我原本以為叫得做潛艇應該會巨型些。還好牛角包用料都算足，有生菜、芒果和龍蝦肉，還有些醬汁咁。牛角包還keep到鬆化，醬汁混合了龍蝦肉也挺香挺鮮，夾了芒果又增加了口感的層次和清新了，不過，龍蝦肉
上次gathering呢去左附近嘅火鍋店食完，經過呢一間cafe， 咁見到啲食物覺得都幾吸引 ，環境又舒適 ，就諗住會再返嚟幫襯嘅， 咁今日咁啱又喺附近就決定來度食喇。
食物方面啦，既然係叫cafe嘅,就當然係以輕便啲嘅light food同埋西式化的食物為主。 例如有all day breakfast， 牛角包餐，waffles…… 其實真係好啱時下年青人去。 同埋唔知係唔係呢間餐廳新開張啦， 食完覺得啲食物都ok但係又唔算太多人咋喎， 都不失為一個傾計聚腳好地方~~
消暑嘅飲品就最啱而家熱辣辣嘅天氣啦！ 平時好少飲凍飲嘅我都忍唔住來一杯藍莓奶酪。 出咗嚟成杯子紫紫地色咁好靚呀！味道方面 ，會taste到好清新嘅藍莓味， 味道好濃郁但係唔會太甜，我幾鍾意。
食物方面， 我點了期間限定的龍蝦潛艇配龍蝦湯及 薯條~潛艇原來是牛角包。整個餐看起來都好豐富，有湯有包有一堆薯角，不過個牛角包就好似份量細件左啲，我原本以為叫得做潛艇應該會巨型些。
還好牛角包用料都算足，有生菜、芒果和龍蝦肉，還有些醬汁咁。牛角包還keep到鬆化，醬汁混合了龍蝦肉也挺香挺鮮，夾了芒果又增加了口感的層次和清新了，不過，龍蝦肉倒是不太突出就是了！
龍蝦湯就爆龍蝦味喇！非常杰身的湯，啖啖鮮龍蝦肉，有種漫遊在海洋皇宮和群蝦暢泳的感覺！鮮味實在令人回味！
至於炸到皮脆內軟的熱乎乎薯角，沾上黑松露菌醬就最滋味了！
朋友說這裡的梳乎里焗飯是最出名的！所以一來到就二話不說的點了個龍蝦焗飯~我不太想食飯，所以無跟風，一見到佢個飯，我立刻後悔了！因為太美太美了！
睇下舊雲！幾得意幾咁高，好似在山頂上帽出頭來的一朵雲！超呃like呀呢啲！我輕輕的採了一朵雲霧來試，是咸咸地的蛋白味道，有點彈有點韌性，口感都幾過癮~
酷愛甜品的我們，也立刻來了個飯後甜品，就是全份的窩夫加全部生果再來個雪糕球外加焦糖漿，hey,咁大陣容都是60大元，抵到唔信呀！不過好奇怪喎，半份如果同樣加全生果係55元喎，咁我們當然是醒目地叫一份開心share啦！
呢度的窩夫形狀好特別，嚴如一塊床褥般的厚度和外觀。因為塊窩夫比隻碟還大塊的關係😂，食的時候要好小心咁切開。切的時候都feel到外層餅咁脆，而內心就好軟綿綿的，沾焦糖漿格外好味！朋友就喜歡加忌廉，一人一款唔洗爭😉個雪糕都好甜下，正好配較乾身的窩夫，而彩色繽紛的生果包括有藍莓、芒果、草莓和香蕉。Post
