京滬佳餚 (Fashion Walk) (Closed)

約咗朋友喺銅鑼灣食lunch，行咗陣街見到呢間餐廳有烤鴨食！我哋兩個都勁鍾意食烤鴨，就入咗去食～京滬香酥烤鴨 (半例)因為兩個人食，所以我哋叫咗半例～有6種配料:分別係青瓜、京蔥、蒜蓉、砂糖等。鴨皮烤得好酥化而且有油香！入口就一啲都唔油膩，鴨肉口感香嫩～超好味😋雲吞鴨肉湯有濃郁鴨肉香嘅湯，完全無油膩感！味道特別香濃，而且好足料。小籠包一籠有6隻～皮薄餡靚，每個小籠包都勁多肉汁！埕醋小排骨嚟到個擺盆已經覺得好靚～食落酸酸甜甜，好味又開胃！老上海炒飯個飯炒得幾好，好有鹹香味。配料都有蝦、煙肉、什菜等山楂楊梅果呢度嘅甜品款式幾特別，賣相都好靚！用咗山楂蓉做餡料，食落口感煙韌，味道酸酸甜甜。杏汁高力平時出面食到多數都係豆沙餡，今次呢個係用左杏汁餡，我幾鍾意呢個味道！唔會太甜，幾清香。