G-NET (Moved) New Location

今日去網吧打完機，出面又落住雨，咁費時出去食，結果就叫左網吧入面既餐廳打包外賣返屋企食啦，叫左個魚柳芝士撈烏冬，芝士白汁雞扒雙腸飯，一個小食拼盤，鹽酥雞拼魷魚鬚,熱狗，生炸雞比，兩杯凍檸密！先講請個D包裝先，非常細心，每樣炸野都必定在盒界開一個洞，防止炸野變淋，所以返到屋企都保持到脆口，野飲亦會用多一層保鮮紙包住，以防打瀉，非常細心！食物方便有驚喜！估唔到一間網吧入面既細細廚房都有咁多品種選擇，由於我等餐時在廚房附近，只見一個師父係度忙過不停，但我從食物質素上看得出師父個團火，DD老師父真係買少見少！雖然唔係咩貴價菜，但真係價錢親民又好味！撈烏冬同個雞扒飯既芝士白汁非常濃郁夠味，個汁掛得起之餘又唔會稀又唔會太“杰”,撈飯同烏冬都非常正，所有炸野都應該係即場新鮮炸，因為食得出，同埋返到屋企都仲脆，絕對唔係炸定的，食隻雞比就食得出！值得一讚！！！左我個人覺得最有驚喜係魷魚酥，真係非常野味同鬆脆，又夠椒鹽味，點少少喼汁真係無敵！熱狗都好好食，因為配料都幾新鮮，而且係法蘭克褔腸，正！最後兩杯飲品，都幾夠味，又唔太甜！