蕃茄仔

Open Now

Now Closed

新一年第一日假，梗係要出外走走，今日去左新浦崗睇戲。買好飛就行左去對面Mikiki 搵食，最終比呢間主打蕃茄濃湯既🍅蕃茄仔吸引左。新年食豐富啲，叫兩個最勁既。🔥🔥呢度碗碗湯底都係橙紅色，真材實料，用左新鮮蕃茄、豬骨、洋葱等等熬出濃湯。可以掛上我地叫既葛絲同刀削麵，特別係葛絲，索哂啲湯汁。特級牛魔王，有加勢油香豐富既牛骨髓、juicy 既和牛丸、 蛋白質豐富既和牛展、軟腍肉香既牛肩胛。大滿足豚三寶，有膠質豐富的豬手肉、軟腍的豬扒及豚肉片。加多個嫩滑雞胸，豬牛雞我地都試哂，雞胸都好出色，煎到金黄色，脆口嫩滑。仲有滑滑蛋香溫泉蛋呢度飲品選擇多又特色，香甜桂花冷泡烏龍茶，清漉x老字號銀都冰室。經典茶走，茶香奶滑。😋蕃茄控絕對唔好錯過。